Бундан бир неча дақиқалар олдин Фарғонадаги "Истиқлол" стадионида Олий лига баҳсларининг 2-туридан ўрин олган "Нефтчи" ва "Пахтакор" жамоалари баҳси якунланди. Учрашув 0:0 ҳисобидаги дуранг билан якунланди.
Ўйиндан сўнг ўтказилган матбуот анжуманининг иккинчи қисмида "Нефтчи" бош мураббийи Андрей Фёдров қатнашди ва ўзининг ўйин ҳақидаги фикрларини билдириб ўтди.
- "Шўртан"даги омадсиз стартдан сўнг ушбу баҳсга жиддий тайёргарлик кўрган эдик. Қолаверса, ушбу ўйинда таркиб ва тактик жиҳатдан ўзгаришлар қилдик. Ўйин кутганимиздек қийин кечди. Таъкидлаш керакки, бугун "Пахтакор"да ҳам, бизда ҳам гол уриш учун имкониятлар кўп бўлмади. Боиси, биз ҳам, рақибимиз ҳам ҳимояда тартибли ва ишончли ўйнадик. Ўйин сўнггида ҳар иккала жамоада ҳам гол уриш учун жуда қулай имконият бўлди. Аммо, бу вазиятларда омад етишмади.
Шундай бўлсада ўз олдиларига қўйилган вазифани тўлиқ бажаргинликлари учун йигитларга раҳмат айтаман. Юқоридагилардан келиб чиқиб бугунги натижани қайсидир маънода адолатли дейиш мумкин. Қолаверса, бугун бизни қўллаб-қувватлаш учун стадионга келган мухлисларга ўз миннатдорчилигимни билдираман. Анчадан буён бу қадар кўп томошабин келмаган эди. Уларнинг бугунги қўллаб-қувватлашлари бизга мадад бўлди.
Ҳар йилги мавсумда "Нефтчи” мураббийларининг қулоққа ўрганиб қолган сўзлари яъни «бу мавсумдаги асосий мақсадимиз - ҳар бир ўйинда ғалаба қозониш» шиори бу мавсумда бироз жиддийроқ ва аниқроқ тусга кирди чоғи. Жамоа бош мураббийи бу йилги мавсумдаги фарғоналикларнинг қўлга киритилиши зарур бўлган асосий мақсадини баён этди.
- Албатта, ҳар бир ўйинда ғалаба қозониш жамоамизнинг амалга ошириши зарур бўлган муҳим режасидир. Шу билан биргаликда "Нефтчи” клубининг бу йилги устувор мақсади бу - медаллар учун курашишдир. Биз бу йилги мавсумни кучли учликда якунлаш учун ҳаракат қиламиз, дейди - Андрей Фёдоров.
Манба: www.sports.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20