Германия Бундеслигасининг 24-тури «Байер» ҳамда «Вердер» ўртасидаги баҳс билан бошланди.

Хабарингиз бўлса керак леверкузенликлар сўнгги пайтларда бироз ишонсизроқ ўйинлар намойиш этиб келишмоқда ва мазкур учрашувда ҳам бир очко ишлай олишди, холос.

Дастлаб, ўйининг 7-дақиқасида Кевин Фолланд мезбонларни ҳисобда олдинга олиб чиқди ва бу ҳисоб тайм охирига қадар сақланиб қолди.

Иккинчи бўлимнинг 79-дақиқасида тажрибали ҳужумчи Клаудио Писарро мувозанатни тиклади. Мазкур ҳисоб ўйин якунига қадар ўзгармай қолди.

Байер – Вердер 1:1 (1:0)

10 март, «БайАрена»

Голлар: Фолланд (7) – Писарро (79).

Байер: Лено, Драгович, Топрак, Венделл, Хенрихс, Бельараби (Хавертц, 64), Баумгартлингер, Кампль, Брандт (Мехмеди, 74), Эрнандес (Кисслинг, 82), Фолланд.

Вердер: Видвальд, Мойсандер, Бауэр, Гебре Селассие (Писарро, 76), Сане, Гриллич (Дилэйни, 67), Велькович, Бартельс, Эггештайн, Юнузович (Кайнц, 90), Крузе.

Огоҳлантиришлар: Венделл (20), Гебре Селассие (66), Писарро (80).

Четлатиш: Венделл (90, Байер).