«Челси» жамоаси дарвозабони Тибо Куртуа ёзда ўзининг «Реал»га ўтиб кетиши ҳақида тарқалган хабарларга муносабат билдириб ўтди.

«Йўқ, мен «Челси»дан кетишни режалаштирмаганман. Мен клубдаги муваффақиятларимдан тўла қониқиш ҳосил қилмоқдаман ва жамоага ёрдам беришда давом этмоқчиман», – дея Куртуанинг сўзларини келтирган Goal.

Бундан олдинги хабарларда Куртуа Мадридга кетса, унинг ўрнини лондонсликлар клуби Мадриддан Ян Облакни олиб келиш орқали тўлдирмоқчилиги айтилганди.

Шунингдек, «Реал» «Челси»дан Эден Азарни таркибга қўшиб олиш фикридан қайтмаяпти. El Mundo Deportivo хабарига кўра, 26 ёшли бельгиялик футболчини қўлга киритиш учун мадридликлар – Альваро Мората, Иско ёки Хамес Родригесдан воз кечишга тайёр.

Бу футболчилардан бирига трансфернинг бир қисмига айланиши режалаштирилмоқда. Қайд этиш керакки, «Челси» бундан олдинроқ «Реал»дан Мората ва Хамесдан бирини трансфер қилишга ҳаракат қилганди. Англия чемпионатининг жорий мавсумида 26 учрашувда иштирок этган Азар 11 гол урди ва 6 пас берди.