Қайднома

Қидирув

«Локомотив» бор эътиборини «Истиқлол» билан ўйинга қаратади

«Локомотив» бор эътиборини «Истиқлол» билан ўйинга қаратади

  09.04.2017 13:15
  0
  302
«Локомотив» бор эътиборини «Истиқлол» билан ўйинга қаратади

11 апрель куни "Локомотив"ни яна бир муҳим учрашув кутиб турибди. "Темирйўлчилар" шу куни Осиё чемпионлар лигаси баҳсида Эроннинг "Истиқлол" клубига қарши майдонга тушишади.

ТТЗдаги "Локомотив" стадионида бўлиб ўтадиган баҳс 16:00да бошланади. Бу ўйин "Локомотив" учун жуда муҳим. Чунки ғалабагина "Локо" учун кейинги босқичга чиқиш имкониятларини очади. Ҳозирда "Локомотив" учта ўйиндан сўнг 3 очко тўплаган ҳолда турнир жадвалида охирги ўринда бормоқда.

"Истиқлол" эса 6 очко билан биринчи ўринда кетяпти. Теҳронда бўлиб ўтган биринчи учрашувда "Локо" 0:2 ҳисобида мағлуб бўлган ва навбатдаги ўйиндаги ғалаба жамоамизнинг "Истиқлол" билан бир хил очко тўплашига сабаб бўлади. БААнинг "Ал Аҳли" ҳамда Саудия Арабистонининг "Ал Таавон" клублари эса бир хил 4 очкодан тўплаган ҳолда 2-3 ўринларни эгаллаб туришибди.

Хабарингиз бор, "Истиқлол" ва "Локомотив" ўртасидаги биринчи ўйин 13 март куни Теҳрондаги "Озоди" стадионида бўлиб ўтганди. Шундан сўнг терма жамоалар учун ФИФА кунлари бошланди ва ҳар иккала клуб ҳам икки ҳафтача майдонга тушмади. Жамоалар ўртоқлик ўйини ўтказиш билан кифояланишди.

"Локомотив" "Истиқлол" билан кечадиган баҳсга иккита ўйин орқали тайёргарлик кўрди. "Темирйўлчилар" 31 март куни "Олмалиқ", 6 апрелда "Шўртан"га қарши майдонга тушишди. Тошкентда "Олмалиқ" 5:0 ҳисобида мағлуб этилган бўлса, Ғузорда "Локо" 0:2 ҳисобида ютқазиб қўйди.

"Истиқлол" ҳам "Локомотив" сингари миллий чемпионатда иккита ўйин ўтказди. Бу жамоа аввалига уйда "Фулад"ни 1:0 ҳисобида мағлуб этди ва кейинги тур сафарда "Гостареш" билан 1:1 ўйнади. Шуни айтиш лозим, "Истиқлол" Эрон чемпионатида 2-ўринда бормоқда клуб 48 очко жамғарган. Биринчи ўринда бораётган "Персеполис" ҳисобида 59 очко бор бўлиб, чемпионат тугашига тўрт тур қолганда Эрон чемпионлигини қўлга киритди десак ҳам бўлаверади.

Юқорида айтиб ўтганимиздек, биринчи ўйинда мағлубиятга учраган "Локомотив" учун навбатдаги беллашув жуда муҳим аҳамиятга эга. "Темирйўлчилар"ни мазкур баҳсда фақат ва фақат ғалаба қониқтиради. Зеро, шундагина жамоада гуруҳдан чиқиш учун қулай имконият юзага келади.

"Шўртан"дан учралган мағлубият алами ортда қолди, буёғига энди кейинги ўйинларни ўйлаб ҳаракат қилиш лозим. "Локомотив" ўз майдонида "Истиқлол"ни мағлуб этса ҳаммаси яна жойига тушади ва жамоага етакчилик руҳияти қайтади. Шундай экан, "Локо" футболчиларидан 11 апрель куни бўладиган беллашувда фақат ҒАЛАБА кутиб қоламиз.


Манба: www.lokomotiv.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

МАВЗУГА ОИД БОШҚА ХАБАРЛАР

Оммабоп мақолалар

Термамиз етакчилари қандай фикрда?

Хабарингиз борми

Чемпионатлар

Жамоа Ў О
тўлиқ маълумот »

Кун фотоси

  • Сизнингча, Олий лига-2017 ни қайси жамоалар тарк этади?


© "Interfutbol.UZ". © 2006-2017. Мобил версия
Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!
Барча ҳуқуқлар амалдаги қонунчиликка биноан ҳимояланган.