Европа лигасининг чорак финалидан жой олган дастлабки ўйинлар бўлиб ўтди. Чемпионлик учун асосий даъвогар сифатида эътироф этилаётган Англиянинг «Манчестер Юнайтед» клуби Бельгияда «Андерлехт» билан 1:1 ҳисобида дуранг ўйнади. Жозе Моуриньо жамоаси аввалги босқичнинг сафар ўйинида «Ростов» билан ҳам 1:1 ўйнаб, кейинроқ «Олд Траффорд»да вазиятни ўз томонига оғдирганди.

Голландиянинг «Аякс» клуби ўн йилдан ошиқроқ вақт давомида еврокубокларнинг чорак финалига қадар етиб кела олмаганди. Энди клуб ярим финал остонасида турибди. Ўз майдонида «Шальке» дарвозасига иккита гол урган Амстердам клуби жавоб ўйинида энг хотиржам ҳаракат қилиши мумкин бўлган жамоага айланди.

Аввалги босқичда Италиянинг «Рома» клубига чиқиш эшикларини кўрсатиб қўйган «Лион», бу сафар Туркиянинг «Бешиктош»ини мағлуб этди. Ла лига иштирокчиси «Сельта» эса «Генк»ни 3:2 ҳисобида таслим қилди.

Европа лигаси
Чорак финал
13 апрель, пайшанба

Голлар: Генрих Мхитарян, 37 (0:1). Леандер Дендонкер, 86 (1:1).

Голлар: Дэви Классен, 23-пен (1:0). Дэви Классен, 52 (2:0).

Голлар: Райан Бабель, 15 (0:1). Корентен Толиссо, 83 (1:1). Жереми Морель, 85 (2:1).

Голлар: Жан-Пол Боэтюс, 10 (0:1). Пионе Систо, 15 (1:1). Яго Аспас, 18 (2:1). Йон Гвидетти, 38 (3:1). Томас Буффель, 67 (3:2).