Ўзбекистон чемпионати олий лигасида 5-тур учрашувлари ортда қолди. Ўтган йили элитадаги ўрнини сақлаб қолган «Сўғдиёна» дастлабки 4та учрашувда бор-йўғи 3 очко жам-ғарди.
Жиззахликларнинг натижалари салбий кўриниш олишига, қайсидир маънода, қуръанинг омадсиз келгани ҳам сабаб бўлди. Даврон Файзиев шогирдлари кетма-кет «Бунёдкор» ва «Локомотив» клубларига қарши сафарда майдонга тушишди. Биз 5-тур учрашуви олдидан жамоанинг янги аъзоси Алишер Маҳмудовдан интервью олдик. Таъкидлаш жо-из, ушбу футболчи учун «Сўғдиёна» бегона эмас. У бир неча йил аввал Жиззах клу-би шарафини ҳимоя қилганди.
- Алишер, йил бошида «Навбаҳор»ни тарк этдингиз. Бунга нима сабаб бўлди?
- Жамоа бош мураббийи билан келиша олмадик, фикримиз бир жойдан чиқмади. Намангандан кетишимнинг асосий сабаби ҳам шу. Вазият ижобий томонга ўзгармагач, «Навбаҳор»дан кетишга қарор қилдим.
- Нима сабабдан чиқиша олмадинглар? Балки, бош мураббийга ўйин услубингиз тўғри келмагандир?
- Менимча ҳам шундай.
- Фақат шуми сабаби?
- Мураббий менга ишонч билдирмади. Охир-оқибат кетишга мажбур бўлдим.
- Шартномангиз якунига етганмиди?
- Ҳа.
- «Навбаҳор» раҳбариятининг сиздан қарзи борми?
- Йўқ. Мен билан ҳисоб-китоб ишлари тўлиқ амалга оширилган.
- Узоқ вақт «Навбаҳор» шарафини ҳимоя қилдингиз. Кетиш осон бўлмагандир?
- Албатта. Жамоа ва унинг мухлислари мен учун қадрдон бўлиб қолишган. Лекин бу - ҳаёт. Футболчининг қисмати шундай.
- Мавсум аввалида «Алишер «Бухоро»га ўтар экан», деган хабарлар ҳам пайдо бўлганди...
- Йўқ, бу жамоадан таклиф олмагандим. Мазкур хабар мени ҳам ҳайрон қолдирди.
- «Сўғдиёна»дан тушган таклиф сизни нимаси билан ўзига жалб қилди?
- Бу жамоада аввал ҳам ўйнаганман. Энг асосийси, менга Даврон Файзиевнинг ўзи таклиф билан чиқди. Бу инсонни ҳам футболчи, ҳам мураббий сифатида ҳурмат қиламан.
- Бошқа клублардан таклиф тушмадими?
- Яна иккита жамоа қизиқиш билдирди, лекин «Сўғдиёна»ни улардан устун қўйдим.
- Қанча муддатга шартнома имзоладингиз?
- Келишув бир йилга мўлжалланган.
- Алишер, бизда асосан бир йиллик шартномалар имзоланади. Бунга муносабатингиз қандай?
- Албатта, келишув узоқроқ муддатга тузилиши тарафдориман. Шунда жамоавий ўйин шаклланади, бунинг натижасида ўша клуб кучаяди.
- Энг йирик шартномангиз қанча муддатга тузилган?
- «Пахтакор»нинг ёшлар жамоасида ўйнаб юрган кезларим 5 йиллик битимга имзо чеккандим.
- Келишув якунигача «шерлар» сафида ўйнаганмисиз?
- Йўқ. Ўша пайт «Сўғдиёна» трансфер ҳуқуқимни тўлалигича сотиб олганди.
- Орадан бир неча йил ўтиб яна шу клубга қайтдингиз. Хўш, Жиззах футболида ижобий ўзгариш кўзга ташландими?
- Албатта, бор. Янги, замонавий стадион бунёд этилди. Бу аренада Ўзбекистон кубоги финал учрашуви ўтказилди, унда барча шароитлар яратилган.
- Молиявий томондан-чи?
- Ҳозирча бу борада ҳеч қандай муаммо йўқ.
- Демак, маошлар ва мукофот пуллари ўз вақтида бериляпти...
- Шундай.
- Ортда қолган тур ўйинлари ҳақида қандай фикрдасиз?
- Ўтказилган учрашувларда кўп очко йиғолмадик. Бунга асосий сабаб қуръанинг ноқулай келгани, деб ўйлайман. «Бунёдкор» ва «Локомотив»га қарши кетма-кет сафар учрашувларида майдонга тушдик. «Насаф» билан ҳам меҳмонда ўйнадик. Шунга қарамай, анча кучли ҳисобланган «Олмалиқ»ни мағлубиятга учратдик.
- «Бунёдкор» билан Тошкетда кечган баҳсда ёмон таассурот қолдирмадинглар...
- Ҳа, лекин барибир, тажриба ўз сўзини айтди. Улар биргина гол эвазига 3 очкони қўлга киритишди.
- «Насаф» билан учрашувда йирик ҳисобда мағлубиятга учрадинглар. Жамоангиз бунга лойиқмиди?
- Барчасига ўзимиз айбдормиз. Ҳимояда йўл қўйилган қўпол хатолар сабаб рақибга осон ғалабани тақдим этдик. «Насаф»дек кучли жамоа бундай хатоларни кечирмайди.
- Кубок баҳсларида «Орол»ни қийинчилик билан мағлуб этдинглар. Нукуслик футболчиларнинг жиддий қаршилигига дуч келдингларми?
- Худди шундай, қолаверса, ўйин пайти кучли ёмғир ёғиб турди. Бундай ҳолатда чиройли футбол намо-йиш этиб бўлмайди. Натижа биринчи ўринга чиқади. Аммо бу баҳона эмас, меҳмонлар ҳам худди шу майдонда тўп суришди.
Камолиддин АЛИМОВ суҳбатлашди
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20