«Манчестер Юнайтед» Европа Лигасида ўз ўйинини ўтказди, аммо Антонио Контенинг фикрича бугунги баҳсда бу “Челси” ўйинчиларига ҳеч қандай устунлик тақдим этмаслиги мумкин.

20 йилдан бери илк маротаба “Челси” еврокубокларда иштирок этмади. Контенинг тан олишича бу айрим жиҳатларда унга қўл келди. Аммо италиялик мураббийнинг фикрига кўра бу омил жамоанинг муваффақияти учун асосий сабаб бўла олмайди.

“Мен бу каби ҳодисага “Ювентус”даги илк мавсумимда дуч келган эдим” – дейди Конте.

“Ливерпул”да ҳам ҳудди шундай вазият. Албатта, жамоа билан ишлашда бизда кўп вақт бўлди. Бу менинг янги жамоадаги илк мавсумим, шунинг учун ҳам ўз ўйин услубимни жамоага сингдириш учун кўпроқ вақтга эга бўлиш муҳим. АПЛда пешқадамлик қилаётганимизнинг ягона сабаби деб шу омилни ҳисобласангиз, сиз қаттиқ янглишасиз”.

”Биз жуда катта ишни амалга ошироқдамиз, ва умид қиламанки Чемпионлар Лигасидек буюк мусобақада иштирок этамиз”.

”МЮ” бир ҳафта ичида Европа Лигаси доирасида 2 та муҳим ўйинни ўтказиши, “Челси”га қўл келадими деган саволга Конте қуйидагича жавоб қайтарди:

“Бу ҳақида фикр билдиришга ҳали эрта деб ҳисоблайман. Мен фикримни ўйиндан сўнг, яхши натижадан кейин билдираман. Мавсумнинг бу палласида ҳамма жамоа кучли ўйин намойиш этади ва яхшироқ кўрсаткичларга эришиш учун жанг олиб боради”.

“Мен битта нарсага аминман, улар ўз уйида яхши ўйин ўтказиб, бизни мағлубиятга учратишга ҳаракат қилишади ва ўртадаги 3 очко биз учун ҳам “Юнайтед” учун ҳам жуда муҳим”.