Криштиану Роналду 2009 йили укаси ва синглиси ҳамроҳлигида дам олиш учун Лас-Вегасга борган ва таътил вақти бир қиз билан танишган. Spiegel нашрида ёзилишича, ўша қиз кейинчалик Криштиану томонидан зўрланганини айтган.

Тўғрироғи, бу борада Роналду устидан судга мурожаат қилишни ўйлаган. Аммо футболчи шахсий адвокати ёрдамида қизнинг қароридан қайтариш учун 375 минг доллар тўлаган. Бироқ Роналду манфаатларини ҳимоя қилувчи Gestifute компанияси бу хабарни қатъиян инкор этди.

«Ҳаммаси журналистика фантазияси, бошқа нарса эмас. Қаранг, жабрланувчи қиз ўзини таништириш ва воқеа қандай содир бўлганини айтишдан бош тортяпти. Воқеа сюжети тасдиқланмаган ҳужжатлар асосида ҳикоя қилинган, қатнашувчилар номаълум, электрон хатлар қандайдир адвокатлар томонидан юборилмоқда.

Роналду жабрланувчи сифатида тилга олинаётган ўша қиздан ҳеч қачон хат олмаган. Хуллас, Der Spiegel журнали хабари - ғирт ёлғон. Криштиану ушбу ёлғонга қарши туриш учун барча чораларни қўллайди»,-деди футболчининг агенти Жорже Мендеш.