«Реал» ярим ҳимоячиси Лукас Васкес Realmadrid TVнинг Campo de Estrellas дастурига таклиф қилинди. Мазкур кўрсатувда футболчи фаолияти билан боғлиқ қизиқ воқеаларни сўзлаб берди.
«Реал»даги иштирок ҳақида
- «Реал» сафида жаҳон чемпиони унвонини олиб юриш мен учун катта шараф. Бу мақомни сақлаб қолиш учун «камар»ни ҳимоя қилишимиз лозим. Фаолиятимни «Реал»да якунлаш ниятидаман. Умид қиламанки, худди шундай бўлади.
Фаолиятини бошлаши ҳақида
- Мен эслайдиган ягона нарса - футбол. Амакимнинг ресторанидаги ошхона мен учун примера майдони эди. Акам билан амакиваччам Жакобони дарвозага қўйиб тўп тепардик. Албатта, ҳар доим ниманидир синдирардик. Синган нарсаларни эса тозалаб, қопга солардик ва қўшнининг томига ирғитардик. Мен синдирган тақдиримда ҳам акам бор айбни ўз бўйнига оларди.
«Бернабеу»га биринчи ташрифи ҳақида
- Болалигимдан Мадриднинг «Реал»ига мухлислик қилганман. Отам ва амаким ҳам шу клуб фанати ҳисобланишади. Ўшанда жамоанинг асосий юлдузи Рауль эди. У ҳақиқий кумир. Олдинлари «Бернабеу»даги ўйинларни томоша қилиб, «қачондир шу ерда ўйнайман», дердим. «Вильярреал»га қарши учрашувни отам ва акам билан томоша қилганман. Ўйин 4:0 ҳисобида якунланган ва Гути «хет-трик» қайд этганди.
«Реал»даги кўрик ҳақида
- Июль ойининг бошлари эди. Ҳовузда чўмилиб, энди қайтгандим. Уйга кирганимдан сўнг отам «Эй, Мичел менга ҳозир қўнғироқ қилишди. «Реал»нинг 17 ёшлилар жамоасида кўрикдан ўтишинг керак экан. Бунга нима дейсан?», деб қолди. Мен эса «Дада, устимдан куляпсизми?», дедим. Чунки бунга ишонгим келмаганди.
Асосий жамоадаги дебюти ҳақида
- Бу Овьедода бўлганди. «Реал» мавсумлар оралиғидаги йиғинлар доирасида биринчи учрашувини ўтказаётганди. Ўшанда жамоани Моуриньо бошқарарди. Мен дастлабки 10 дақиқада гол урдим. Академиянинг ўн нафар тарбияланувчиси бир ҳафта мобайнида асосий жамоа билан машғулотларда қатнашдик. Португалиялик мутахассис кўпчилигимизни асосий таркибда майдонга туширганди.
«Эспаньол»дан қайтиши ҳақида
«Эспаньол» билан шартнома имзолаганимга 15 кун бўлганида «Ре-ал»дан қўнғироқ қилишди. қаллиғим Макарена ҳамроҳлигида таътилда эдим. Агентим «Реал»га қайтишинг 95 фоиз аниқ. Бенитес ҳам, президент ҳам, Хосе Анхель ҳам сени таркибда кўришмоқчи», деганди. Ҳаяжонланганимдан кечгача ҳеч нима ея олмаганман. Футбол ўйнашни бошлаганимдан буён шу жамоанинг бир бўлаги бўлишни орзу қилардим.
Серхио Рамос ҳақида
- «Реал»нинг ҳозирги сардори менга бошиданоқ ёрдам берган. Бунинг учун ундан миннатдорман. Серхио Рамос ажойиб футболчи.
Зайнидин Зидан ҳақида
- У менга ишониши, тез орада имкон берилишини айтганди. Ҳеч қачон ўзимга ишончсизлик қилмаганман. Лекин суперюлдузларга тўла «Реал»нинг асосий таркибига кириш осон бўлмаслигини билардим. Ўзимни ҳар кун машқ қилишга, ишимни яхши бажаришга ундардим.
Акмаль Эшохонов тайёрлади
Манба: www.iff.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20