«Барселона»нинг афсонавий ҳимоячиси Карлес Пуйоль Москвага ташриф буюрди. Бундан унумли фойдаланган Championat.сом сайти мухбирлари футболчи билан суҳбат уюштиришди. Испаниялик юлдузни Россияга ЖЧ-2018 ҳамда Конфедерациялар кубоги-2017нинг расмий банки - «Альфа-Банк» таклиф этди.
— Яқинда «ВКонтакте» ижтимоий тармоғида саҳифа очдингиз. Айни пайт уни ким юритяпти?
— Рус тилида гаплашмайман, шу боис ёзувларни ёрдамчиларим жойлашади. Лекин нимани ва қачон қўйишни мен ҳал қиламан. Шундай экан, ўзим юритяпман, десам бўлаверади.
— Бир ярим ой олдин ҳам Россияга ташриф буюргандингиз...
— Ҳа. Афсуски, ташриф икки кун давом этди, холос. Москва ва Санкт-Петербургда бўлдим. Бу сафар ҳам узоқ қолмайман. Мамлакат билан ўзим истагандек яқиндан таниша олмаяпман. Конфедерациялар кубоги ўтказилаётган пайт келишим аниқ. Балки ўшанда Россияни яхшилаб ўрганарман.
— Кўп саёҳат қиласизми?
— Жуда кўп. Фаолиятимни якунлаганимдан сўнг бу янада осон бўлиб қолди. Ҳозирда иложи борича кўпроқ саёҳатга чиқяпман, халқаро лойиҳаларда иштирок этяпман.
— Мураббий бўлишни истармидингиз?
— Йўқ, хоҳламайман. Иван де ла Пенья билан фирма очганимиздан сўнг ишларим жуда кўпайиб кетди. Бу фирма ёш футболчилар билан шуғулланади. Шу боис ҳам мураббийликка вақт йўқ (Дортмунднинг «Боруссия» клуби ҳимоячиси Марк Бартра фирма мижозларидан ҳисобланади — таҳ.).
— Бирор-бир жамоадан таклиф бўлдими?
— Фаолиятимни якунлаганимдан кейин айрим клублар мураббий ёрдамчиси лавозимига чақиришди. Албатта, уларнинг таклифларидан миннатдорман. Бироқ бу иш билан шуғулланмоқчи эмасман.
— «Барселона» чақирса-чи?
— У ерда шундоқ ҳам раҳбарлар ва мураббийлар яхши ишлашяпти. Менга Луис Энрикенинг услуби ёқади. Афсуски, кетишга қарор қилди, у жамоа учун мос эди. Жорий мавсум «Барселона» қийинчиликларни бошидан ўтказмоқда. Шунга қарамай, мавсумни совринлар билан якунлаши мумкин. Энрике ҳам янги вариантларни қидиряпти, айни пайт уч ҳимоячи тактикаси қўлланмоқда.
— Лекин муаммолар ана шу ҳимоячиларга боғлиқ бўляпти. Ҳужумларни Жереми Матьё бошлайди. Ваҳоланки, унинг биринчи узатуви яхши эмас. Рақиблар эса бундан унумли фойдаланишмоқда.
— Матьё анча савияли ҳимоячи. Менимча, уни ҳурмат қилиш керак. Жеремининг тўп ошириши «Барселона»даги бошқа ҳимоячиларникидан ёмон эмас.
— Хорхе Сампаоли ва Хуан Унсуэ Энрикенинг ўрнини эгаллашлари мумкин экан. Сиз «Барселона»ни ким бошқаришини истайсиз?
— қайси мутахассисни танлашни ҳам билмайман. Хайриятки, бу менинг вазифамга кирмайди. Такрорлайман, менга Энрикенинг иш услуби ёқади.
— Жамоа ва мураббий бир-биридан чарчагандек туюлмаяптими?
— Йўқ. «Барселона» «Ювентус»га мағлуб бўлгани туфайли ҳозир бу ҳақда гаплашяпмиз. «ПСЖ»га қарши кечган биринчи ўйиндан сўнг ҳам шундай бўлганди. Жавоб учрашувидан кейин эса ҳамма бахтли эди.
— Бу ҳолат яна такрорланишига ишонасизми?
— Ҳамиша имкон бор.
Жаъфар БОБОХОНОВ тайёрлади
Манба: www.iff.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20