Ўз майдонида «Борнмут»га ютқазган «Сандерленд» чемпионат тугашидан 4та тур аввал премьер-лигада қолиш имкониятини йўқотди. «Кристал Пэлас» -«Бернли» учрашувида эса меҳмонлар жорий мавсум ҳисобидан илк марта сафардан ғалаба билан қайтишди. Эътиборли томони, бу жамоа нақ 42 йил давомида Лондондаги ўйинларда ғалаба нималигини билмаганди. Opta маълумотига кўра, «Бернли» пойтахтда охирги марта 1975 йили «Куинз Парк Рейнжерс»дан устун келганди.

«Тоттенхэм» ва «Арсенал» ўртасидаги «Лондон дербиси»да «шпорлар» 2та гол урганча чемпионлик курашидаги имкониятларини сақлаб қолишди. Бундан ташқари, «Тоттенхэм» ва «Арсенал» очколари ўртасидаги фарқ 17тага етди. Бу Маурисио Почеттино шогирдларининг финишда Арсен Венгер жамоасидан юқорида туришларини англатади. Диққатга сазовор томони шуки, бундай ҳолат сўнгги 22 йилдан буён биринчи марта кузатилади.

Жозе Моуриньо бошқарувидаги «МЮ» «Олд Траффорд»да «Суонси»ни енголмади - 1:1. Шундай бўлсада, «қизил иблислар» клуб рекордини янгилашди. Аниқроқ айтсак, «МЮ» 25та ўйиндан буён мағлубият нималигини билмаяпти (13та ғалаба ва 12та дуранг). Умуман олганда, «МЮ» АПЛнинг жорий мавсумида 14-марта дурангга рози бўлди. Шундан нақ 10таси жамоанинг ўз майдонида қайд этилган.  «Суонси» дарвозасини пенальтидан ишғол қилган Уэйн Руни эса АПЛдаги голлари сонини роппа-роса 150тага етказиб, ушбу кўрсаткич бўйича Фрэнк Лэмпард ва Энди Коулдан ўзиб кетди. АПЛ тарихидаги бош тўпурар - Алан Ширер ҳисобида эса 190та гол бор.

Хосеп Гвардиола мураббийлик фаолиятида биринчи марта мавсумни элит  совринсиз якунлайдиган бўлди. Чунончи, «Манчестер Сити» меҳмонда «Мидлсбро» билан муроса кўчасини танлади. Шу тариқа  клубда 1-ўринга кўтарилиш учун назарий имконият ҳам қолмади.

28-турнинг қолдирилган ўйинлари

26 апрель

АРСЕНАЛ - ЛЕСТЕР - 1:0 (0:0)

Лондон. 59829 томошабин.

Гол: Хут (87-авт.).

Арсенал: Чех, Габриэль, Косьельни, Монреаль, Бельерин, Коклен (Рэмзи, 75), Жака, Гиббс (Уэлбек, 68), Уолкотт (Жиру, 75), Озил, Санчес.

Лестер: Шмейхель, Симпсон, Беналуан (Грэй, 90), Хут, Фукс, Маҳрез, Дринкуотер, Н~Диди, Олбрайтон, Варди, Ульоа (Оказаки, 70).

КРИСТАЛ ПЭЛАС - ТОТТЕНХЭМ -0:1 (0:0)

Лондон. 25596 томошабин.

Гол: Эринсен (78).

Кристал Пэлас: Хеннесси, Уорд, Келли, Сако (Дилэйни, 57), Шлупп, Миливоевич, Заа, Макартур (Кабай, 64), Панчон, Таунсенд, Бентеке (Кэмпбелл, 81).

Тоттенхэм: Льорис, Дайер, Алдервейрелд, Вертонген, Уокер, Ваньяма (Сиссоко, 46), Дембеле (Сон Хюн Мин, 46), Дэвис, Эриксен, Алли (Триппьер, 90), Кейн.

МИДЛСБРО - САНДЕРЛЕНД - 1:0 (1:0)

Мидлсбро. 30742 томошабин.

Гол: де Рун (8).

------------------------------------------

26-тур ўйини

27 апрель

МАНЧЕСТЕР СИТИ - МЮ - 0:0

Манчестер. 54176 томошабин.

Манчестер Сити: Браво (Кабальеро, 79), Сабалета, Компани, Отаменди, Коларов, Туре, Фернандиньо, Стерлинг (Жезус, 86), де Брюйне, Сане (Навас, 79), Агуэро.

МЮ: де Хеа, Валенсия, Байи, Блинд, Дармиан, Эррера, Кэррик, Феллайни, Мхитарян (Фосу Менса, 86), Рашфорд (Янг, 90}3), Мартиаль (Лингард, 80).

Четлатиш: Феллайни (84, МЮ)

---------------------------------------------

35-тур. 29 апрель

ВЕСТ БРОМВИЧ - ЛЕСТЕР - 0:1 (0:1)

Вест Бромвич. 24611 томошабин.

Гол: Варди (43).

Лестер: Шмейхель, Симпсон, Беналуан, Хут, Фукс, Маҳрез (Кинг, 81), Дринкуотер, Н~Диди, Олбрайтон, Оказаки (Ульоа, 67), Варди.

САНДЕРЛЕНД - БОРНМУТ - 0:1 (0:0)

Сандерленд. 38394 томошабин.

Гол: Кинг (89).

САУТГЕМПТОН - ХАЛЛ СИТИ - 0:0

Саутгемптон. 31120 томошабин.

Амалга оширилмаган пенальти: Тадич (90+1, С.).

Саутгемптон: Форстер, Соареш, Стивенс, Йошида, Бертран, Дэвис, Ромеу, Буфаль (Симс, 58), Тадич, Редмонд (Родригес, 87), Габбьядини (Лонг, 59).

СТОК СИТИ - ВЕСТ ХЭМ - 0:0

Сток-он-Тренте. 27628 томошабин.

Сток Сити: Батленд, Жонсон, Шоукросс, Мартинс Инди, Муньеса, Кэмерон, Уэлан (Адам, 80), Шакири, Аллен (Крауч, 70), Арнаутович, Берахино.

Вест Хэм: Адриан, Фонте, Рид, Коллинз, Фернандеш, Куяте, Нордтвейт, Масуаку (Крессуэлл, 46), Лансини, Айю (Нобл, 69), Кальери (Снодграсс, 80).

КРИСТАЛ ПЭЛАС - БЕРНЛИ - 0:2 (0:1)

Лондон. 25013 томошабин.

Голлар: Барнс (8), Грей (85).

Кристал Пэлас: Хеннесси, Уорд, Келли, Дилэйни, ван Анхолт, Макартур (Кэмпбелл, 71), Миливоевич, Панчон, Заа, Бентеке (Реми, 71), Таунсенд.

Бернли: Хитон, Лоутон, Кин, Тарковски, Уорд (Фланаган, 45), Бойд, Вествуд, Хендрик, Арфилд, Воукс, Барнс (Грэй, 79).

30 апрель

МЮ - Суонси - 1:1 (1:0)

Манчестер. 75271 томошабин.

Голлар: Руни (45+3-пен.) - Сигурдссон (79).

МЮ: де Хеа, Блинд, Байи (Дармиан, 61), Шоу (Валенсия, 9), Янг, Лингард, Эррера, Кэррик, Рашфорд, Руни (Мхитарян, 80), Мартиаль.

Мидлсбро - Манчестер Сити - 2:2 (1:0)

Мидлсбро. 29763 томошабин.

Голлар: Негредо (38), Чемберс (77) - Агуэро (69-пен.), Жезус (85).

Манчестер Сити: Кабальеро, Отаменди, Коларов, Клиши (Стерлинг, 50), Компани, Фернандиньо, Навас, Алейш Гарсия (Сане, 49), де Брюйне, Жезус, Агуэро (Нолито, 90).

Эвертон - Челси - 0:3 (0:0)

Ливерпуль. 39595 томошабин.

Голлар: Педро (66), Кэйхилл (79), Виллиан (86).

Эвертон: Стекеленбург, Жагелка, Бэйнс, Холгейт, Уильямс, Гуйе, Дэвис, Баркли, Лукаку, Валенсия (Коне, 72), Кэлверт-Льюин (Миральяс, 72).

Челси: Куртуа, Давид Луиз (Аке, 82), Кэйхилл, Алонсо, Аспиликуэта, Матич, Мозес, Педро (Фабрегас, 82), Канте, Азар (Виллиан, 85), Диего Коста.

Тоттенхэм - Арсенал - 2:0 (0:0)

Лондон. 31000 томошабин.

Голлар: Алли (55), Кейн (58-пен.).

Тоттенхэм: Льорис, Алдервейрелд, Дэвис, Триппьер (Уокер, 88), Вертонген, Эриксен, Ваньяма, Дайер, Алли (Сиссоко, 90), Сон Хюн Мин (Дембеле, 79), Кейн.

Арсенал: Чех, Косьельни, Монреаль, Гиббс, Габриэль (Бельерин, 75), Рэмзи, Окслейд-Чемберлен, Озил, Жака (Уэлбек, 65), Санчес, Жиру (Уолкотт, 81).

————————————————————--------------------------

УОТФОРД - ЛИВЕРПУЛЬ ўйини бугун бўлиб ўтади.

Тўпурарлар:

Лукаку (Эвертон) - 24та

Кейн (Тоттенхэм) - 21та

Санчес (Арсенал) - 19та...

Келгуси ўйинлар

5 май (жума)

00:00       Вест Хэм - Тоттенхэм

6 май (шанба)

16:30       Манчестер Сити - Кристал Пэлас

19:00       Бернли - Вест Бромвич

19:00       Борнмут - Сток Сити

19:00       Лестер - Уотфорд

19:00       Халл Сити - Сандерленд

21:30       Суонси - Эвертон

7 май (якшанба)

17:30       Ливерпуль - Саутгемптон

20:00       Арсенал - МЮ

8 май (душанба)

00:00       Челси - Мидлсбро

------------------------------------

26-тур ўйини

10 май (чоршанба)

23:45       Саутгемптон – Арсенал

Ўйиндан кейинги фикрлар:

Крэйг Шекспир («Лестер» бош мураббийи): - Жамоам ҳали лигадан тушиб кетиш хавфидан қутулгани йўқ. Бугун мураккаб кураш боришини билардик, бу - ҳақиқий футбол. Ҳаммасини биринчи гол ҳал қилди, ҳисобни очганимиз жуда қўл келди. Шундан сўнг ҳимояга кўпроқ эътибор қаратиб, қарши ҳужум учун пайт пойладик. Асосийси, ғоят муҳим ғалабани нишонладик.

Антонио Конте («Челси» бош мураббийи): - Яхши ғалаба. «Эвертон» муносиб рақиб ва бугунги ўйинга талаб даражасида шайлангани тайин. Муҳими, биз хотиржам ҳолда тўп суриб, қулай вазиятларни кутдик ва бундай ҳолат юзага келгач, рақиб дарвозасини ўққа тутишни пайсалга солмадик.

Жозе Моуриньо («МЮ» бош мураббийи): - Футболчиларни йўқотганимиз очколар йўқотилишига уланди. Биз учун ёмон кун... Умуман, учрашув давомида шогирдларим чарчаган, аниқроғи, ҳолдан тойгандек кўринишди. Инобатга олиш керакки, бу апрель ойидаги 9-ўйинимиз эди. Инсон бундай зўриқишга дош беролмайди. Қаранг, ихтиёримда 22 нафар футболчи бор эди, ҳозир эса 13-14 киши қолди, холос. Бу сафар йигитларни  танқид қилмайман. Чунки улар қаттиқ чарчашган...

Арсен Венгер («Арсенал» бош мураббийи): - Тан оламан, рақиб ғалабага ҳақли эди, ахир у 2та гол урди, биз эса йўқ. Аслида жамоам  иштиёқи бинойидек эди, бироқ яна нимадир етишмади. Ҳа, «Тоттенхэм» финишда биздан олдинда турадиган бўлди. Начора, бу билан уни табриклашдан бошқа иложим йўқ. Аммо эътиборга олинг, «шпорлар» бундай натижага 20 йил давомида бир мартагина эришяптилар.