«Реал» ҳужумчиси Криштиану Роналду «Валенсия»га қарши ўйинда пенальтидан фойдаланолмади. Натижада унинг 11 метрлик нуқтадан йўллаган самарасиз зарбалари сони 10тага етди ва бу борада «Реал» антирекордчисига айланди.

Бунгача «юқори» кўрсаткич 44та уринишдан 35тасида гол урган ва 9 марта адашган Уго Санчесга тегишли эди. Роналду эса жами 68та пенальтидан 58тасини самарали ижро этган. Португалиялик футболчи шунинг баробарида чин рекорд ҳам ўрнатди. Яъни Ла-лиганинг жорий мавсуми ҳисобидан 20-голини нишонлади.

Хуллас, 32 ёшли футболчининг Европа миллий чемпионатларида урган голлари сони 367тага етди: 3та - «Спортинг» (Португалия)да, 84та - «Манчестер Юнайтед» (Англия)да ва 280та - «Реал» (Испания)да.

Gracenote хабарига кўра, Криштиану шу тариқа Европанинг 6та кучли чемпионати (Англия, Германия, Испания, Италия, Португалия, Франция) бўйича ҳисоб-китобда энг яхши тўпурарга айланди. Бунгача у мутлақ голеадор мақомини 1957-1971 йиллар оралиғида «Челси», «Милан», «Тоттенхэм» ва «Вест Хэм» клублари учун жами 366та гол ҳосил қилган англиялик ҳужумчи Жимми Гривз билан бўлишиб турганди.

«Реал» эса мавсум давомида 150та гол маррасини забт этган иккинчи жамоа бўлди. Мадридликлар жорий мавсум примерода 91та, ЧЛда 28та, Испания кубогида 22та, Клублар ўртасидаги ЖЧда 6та ва Европа суперкубоги учун ўйинда 3та гол уришди. Бу борада биргина «Барселона»нинг натижаси яхшироқ - 153та гол.

Яна бир факт шуки, «Реал» ҳимоячиси Серхио Рамос Испания чемпионатида юбилей - 400-ўйинини нишонлаб, ушбу маррага етган андалусиялик 6-футболчи бўлди. «Валенсия» дарвозабони Диего Алвес «Пенальтилар мутахассиси» мақомини яна оқлаганини ҳам айтиш жоиз.

Бразилиялик кипер Испания чемпионати жорий мавсумида 6-марта пенальтини бартараф этди - янги рекорд. Диққатга сазовор томони, Алвес фаолияти давомида Роналду билан 4 марта 11 метрлик «дуэл»га киришиб, 3та ҳолатда устун чиққан.

Айтганча, «Реал Сосьедад»га ютқазган «Гранада» Ла-лигада қолиш умидини батамом узди. Эслатма, олдинги тур якунида «Осасуна»нинг примеро билан хайрлашиши аниқ бўлганди.

34-тур. 25 апрель

СПОРТИНГ - ЭСПАНЬОЛ - 1:1

ГРАНАДА - МАЛАГА - 0:2

АТЛЕТИКО - ВИЛЬЯРРЕАЛ - 0:1

26 апрель

БАРСЕЛОНА - ОСАСУНА - 7:1 (2:0)

Барселона. 63989 томошабин.

Голлар: Месси (12, 61), Андре Гомеш (30, 57), Пако Алькасер (64, 86), Маскерано (67-пен.) - Торрес (48).

Барселона: тер Штеген, Маскерано, Пике, Динь, Бускетс, Андре Гомеш, Турон, Денис Суарес, Ракитич, Пако Алькасер, Месси (Аленья, 63).

ВАЛЕНСИЯ - РЕАЛ СОСЬЕДАД - 2:3 (0:2)

Валенсия. 26101 томошабин.

Голлар: Нани (68-пен.), Заза (72) - Диего Алвес (1-авт.), Виллиан (30-пен.), Ойарсабаль (65).

ЛЕГАНЕС - ЛАС-ПАЛЬМАС - 3:0 (0:0)

Леганес. 9756 томошабин.

Голлар: Лусиано (55, 61-пен.), Герреро (59).

ДЕПОРТИВО - РЕАЛ - 2:6 (1:3)

Ла-Корунья. 26735 томошабин.

Голлар: Андоне (35), Хоселу (84) - Мората (1), Хамес Родригес (14, 66), Васкес (44), Иско (77), Каземиро (87).

Реал: Касилья, Данило, Варан (Техеро, 88), Начо, Марсело, Ковачич, Васкес, Иско (Каземиро, 79), Хамес Родригес, Асенсио (Диас, 79), Мората.

27 апрель

АЛАВЕС - ЭЙБАР - 0:0

Витория-Гастейс. 18277 томошабин.

Четлатиш: Риесго (26, Э.).

СЕВИЛЬЯ - СЕЛЬТА - 2:1 (0:0)

Севилья. 25995 томошабин.

Голлар: Корреа (49), Бен Йеддер (79) - Яго Аспас (53-пен.).

Севилья: Рико, Мариано, Пареха, Лангле, Эскудеро, Иборра, Н~Зонзи, Сарабия (Насри, 64), Гансо (Краневиттер, 87), Корреа, Йоветич (Бен Йеддер, 76).

Четлатиш: Эрнандес (56, Сел.).

АТЛЕТИК - БЕТИС - 2:1 (0:0)

Бильбао. 34074 томошабин.

Голлар: Адурис (53-пен.), Муниаин (60) - Рубен Кастро (63).

------------------------------------------------

35-тур. 28 апрель

ВИЛЬЯРРЕАЛ - СПОРТИНГ - 3:1 (1:0)

Вильярреал. 15120 томошабин.

Голлар: Сольдадо (33), Бакамбу (47, 59) - Дуглас (73).

Вильярреал: Фернандес, Альваро Гонсалес, Хосе Анхель, Марио Гаспар, Бонера, Дос Сантос, Родри Эрнандес, Бруно Сориано, Роберто Сориано (Тригерос, 88), Сольдадо (Адриан, 76), Бакамбу (Сансоне, 69).

29 апрель

РЕАЛ СОСЬЕДАД - ГРАНАДА - 2:1 (1:0)

Сан-Себастьян. 18003 томошабин.

Голлар: Вела (45), Хуанми (84) - Рамос (65).

Реал Сосьедад: Рульи, Сальдуа, Навас, Гонсалес, Берчиче, Прието (Каналес, 70), Ильярраменди, Гранеро (Сурутуса, 59), Вела (Баутиста, 78), Хуанми, Ойарсабаль.

РЕАЛ - ВАЛЕНСИЯ - 2:1 (1:0)

Мадрид. 75180 томошабин.

Голлар: Роналду (27), Марсело (86) - Парехо (82).

Амалга оширилмаган пенальти: Роналду (57, Р.).

Реал: Навас, Карвахаль, Начо, Рамос, Марсело, Модрич (Васкес, 90), Каземиро, Кроос, Хамес Родригес (Асенсио, 66), Бензема (Мората, 72), Роналду.

Валенсия: Диего Алвес, Монтойя, Гарай, Мангаля, Тони Лато (Гайя, 86), Солер, Парехо, Мунир, Орельяна (Баккали, 89), Нани (Родриго, 70), Санти Мина.

ЛАС-ПАЛЬМАС - АТЛЕТИКО - 0:5 (0:3)

Лас-Пальмас. 23570 томошабин.

Голлар: Гамейро (2, 18), Сауль (17), Парти (72), Торрес (90}1).

Атлетико: Облак, Хименес (Парти, 67), Савич, Люка Эрнандес, Филипе Луис, Гайтан, Габи, Сауль, Коке, Гризманн (Корреа, 71), Гамейро (Торрес, 58).

Четлатиш: Боатенг (65, Л.).

ЭСПАНЬОЛ - БАРСЕЛОНА - 0:3 (0:0)

Барселона. 31708 томошабин.

Голлар: Суарес (50, 87), Ракитич (76).

Барселона: тер Штеген, Сержи Роберто, Пике, Юмтити, Альба, Ракитич, Бускетс, Андре Гомеш (Маскерано, 78), Месси, Суарес, Неймар.

30 апрель

Осасуна - Депортиво - 2:2 (1:1)

Памплона. 12294 томошабин.

Голлар:  Мондрагон (4), Хуанфран (78-авт.) - Гильерме (18, 70).

Бетис - Алавес - 1:4 (1:0)

Севилья. 22271 томошабин.

Голлар: Пардо (12) - Крстичич (48), Собрино (54), Сантос (58), Катаи (90+4).

 Эйбар - Леганес - 2:0 (0:0)

Эйбар. 5256 томошабин.

Голлар: Кике (62), Энрих (66).

Сельта - Атлетик - 0:3 (0:1)

Виго. 17320 томошабин.

Голлар: Рауль Гарсия (35, 50), Рико (83).

Сельта: Альварес, Фонтас, Гомес, Ронкалья, Альваро Лемос, Васс (Диоп, 62), Диас, Хосабед (Хосеп Сенье, 80), Юльсагер (Гвидетти, 70), Бонгонда, Бовю.

Атлетик: Аррисабалага, де Маркос, Йерай Альварес, Ляпорт, Баленсиага, Беньят (Микель Рико, 78), Сан Хосе, Иньиго Лекуэ, Рауль Гарсия (Итурраспе, 82), Муниаин (Адурис, 85), Иньяки Уильямс.

---------------------------———————————————————-

МАЛАГА - СЕВИЛЬЯ ўйини бугун бўлиб ўтади.

Тўпурарлар:

Месси (Барселона) - 33та

Суарес (Барселона) - 25та

Роналду (Реал) - 20та...

Келгуси ўйинлар

5 май (жума)

00:00       Севилья - Реал Сосьедад

6 май (шанба)

16:00       Спортинг - Лас-Пальмас

19:15       Атлетико - Эйбар

21:30       Барселона - Вильярреал

23:45       Гранада - Реал

7 май (якшанба)

15:00       Алавес - Атлетик

19:15       Валенсия - Осасуна

21:30       Депортиво - Эспаньол

23:45       Малага - Сельта

8 май (душанба)

23:45       Леганес – Бетис

Ўйиндан кейинги фикрлар:

Луис Энрике («Барселона» бош мураббийи): - Биринчи бўлимда кўримсиз ўйин намойиш қилганимизга қарамай, «Эспаньол»ни анча қийнаб қўйдик. Танаффусдан  кейин рақиб юқори суръатга дош беролмай, хато қила бошлади. Олдимиздан аниқ вазифалар турибди - примеро ва кубок турнири. Иккисида ҳам  ғалаба қозониш учун бор кучимизни ишга соламиз. Чунки бунга муносибмиз. Суареснинг голсиз серияси мени ташвишга солмаётганди, зеро, у дарвозани ишғол қилгандан кўра, фойдалироқ ўйнаётганди. Албатта, ҳужумчи учун гол муҳим. Янада муҳимроғи, голлар ва Суарес - синоним.

Зайниддин Зидан («Реал» бош мураббийи): - «Реал» қандай қилиб, сўнгги дақиқаларда гол уришга имкон топишини тушунтириб беролмайман, аммо бу бошқача завқ улашади. Ҳисобда олдинда бораётганимизда, ўйинни хотиржам назорат қилишга уриндик, чунки жамоамизни олдинда қийин синов кутиб турибди. Ўйлайманки, бугун юзага келган босим ғалабамизда муҳим омил бўлди. Хамес? У жуда яхши ҳаракатланди ва бошқалар қатори катта кўламда иш бажарди. Иско? У жуда яхши формада ва умид қиламанки, «Атлетико»га қарши ўйинда ёрдам беради.

Диего Симеоне («Атлетико» бош мураббийи): - Биз қандай ўйнаш кераклигини яхши билардик. Жамоа ўзи истаган нарсага эришди. Тезкор гол ёрдам берди. Лекин алоҳида айтишим шарт: «Лас-Палмас» ўз майдонида яхши ўйнайди. Жамоамдан мутлақо қониқдим ва шогирдларимни мақташдан чарчамайман.