Бугун Наманганда катта футбол шоуси!

04.05.2017 12:53

599

Бугун Олий лиганинг 9-туридан ўрин олган "Навбаҳор" - "Локомотив" баҳси бўлиб ўтади. Таниқли ҳакам Равшан Эрматов бошқарадиган беллашув Намангандаги марказий стадионда 18:00да старт олади.

- Айни пайтда турнир жадвалида "Локомотив" битта кам ўйин ўтказган ҳолда биринчи ўринда бормоқда Жамоа 7 та ўйинда 18 очко жамғарган. "Навбаҳор" эса 8та ўйиндан сўнг 14 очко билан 5-ўринни эгаллаб турибди.

- "Локомотив" бунгача сафарда учта учрашув ўтказиб, шундан иккитасида ғолиб бўлди ва бир марта мағлубиятга учради. "Темирйўлчилар" сафар ўйинларида "Машъал" ва "Пахтакор"дан устун келишди, бироқ кутилмаганда Ғузорда "Шўртан"га имконият бой берилди. Сафардаги беллашувларда тўплар нисбати 3-3.

- "Навбаҳор" эса ҳозирча ўз майдонида 4та баҳсда майдонга тушиб, шундан учтасида зафар қучган ва бир бор дуранг ўйнаган. Наманганликлар уй учрашувларида "Обод" (2:1), "Машъал" (1:0) ва "Шўртан" (1:0) клубларидан устун келишган ҳамда "Нефтчи" (1:1) билан дуранг ўйнашган. Жамоанинг уй ўйинларидаги тўплар нисбати 5-2.

ФАКТ: Наманганда бўлиб ўтган охирги бешта ўйинда "Локомотив" мағлубиятга учрамаган. Жамоа бир бор дурнаг ўйнаб, тўрт марта ғалаба билан қайтган. Охирги икки йилда "Локомотив" сафарда "Навбаҳор"ни бир хил 3:2 ҳисоби билан мағлубиятга учратган.

- Жамоаларнинг Намангандаги охирги учрашувида меҳмонлар 3:2 ҳисобида ғалаба қозонишган. "Навбаҳор" таркибида Александр Пишур билан Мўйдин Мамазулунов, "Локо" таркибида эса Сардор Мирзаев (2та) ва Санжар Шоаҳмедов гол муаллифи бўлишган.

"Локомотив"нинг Намангандаги охирги бешта ўйини:

07.04.2012

"Навбаҳор" - "Локомотив" - 0:2

Голлар: Дилшод Раҳматуллаев, Мустафо Бинди.

03.04.2013

"Навбаҳор" - "Локомотив" - 1:1

Гол: Акмал Холматов.

15.03.2014

"Навбаҳор" - "Локомотив" - 0:1

Гол: Иван Нагаев.

21.11.2015

"Навбаҳор" - "Локомотив" - 2:3