Европа Чемпионлар лигаси мусобоқасининг ярим финал жавоб баҳсидан ўрин олган «Атлетико» Мадрид – «Реал» Мадрид учрашуви ўз ниҳоясига етди. Унда 2:1 ҳисоби қайд этилиб, мезбонларнинг ғалабаси билан тугади.
Учрашув иккала томоннинг шиддатли ҳаракатлари билан бошланди. Айниқса майдон эгаларининг иштиёқи жуда баланд бўлди. Натижада учрашувнинг 13-дақиқасидаёқ ҳисоб очилди. Сауль мезбонларни олдинга олиб чиқди. Орадан уч дақиқа ўтиб мазбонларнинг ҳужуми рақиб жарима майдончаси ичида қўполлик билан тўхтатилди. Рафаэл Варан жарима майдонига ёриб кирган Фернандо Торресни йиқитди ва учрашув бош ҳаками ўн бир метрлик нуқтани кўрсатди. Пенальтини Антуан Гризманн аниқ бажарди ва ўйинга интригани қайтаргандек бўлди.
Ушбу голдан сўнг «Атлетико» яна эски услубига қайтди ва ҳимоядан ўйнай бошлади. Биринчи бўлим ўрталари кетма-кет қўполликлар ва сариқ карточкалар билан ёдда қолди. Бўлимнинг сўнгги дақиқаларида Карим Бензема чап қанотдан бир нечта рақибларини алдаб ўтиб, тўпни Тони Кроосга ташлаб берди. Крооснинг зарбасини Облак қайтаришга эришди, бироқ қайтган тўпни Иско дарвозага жойлаб қўйди ва меҳмонларга катта устунлик тақдим этди.
Иккинчи бўлим биринчисига нисбатан сокин бошланди ва ўйин асосан майдон марказида кечди. Учрашувнинг 66-дақиқасида мезбонларда яхши имконият бўлди, бироқ Кейлор Навас дарвозага берилган иккита зарбани ҳам қайтаришга эришди.
Шу тариқа икки ўйин натижасига кўра «Реал» финалга йўл оладиган бўлди. Энди Кардиффда «Реал» ва «Ювентус» қарама-қаршилиги гувоҳи бўламиз.
ЕЧЛ
Ярим финал, Жавоб ўйини
Атлетико (Испания) – Реал Мадрид (Испания) 2:1
Голлар: 1:0 – 12 Сауль, 2:0 – 16, пенальти Гризманн, 2:1 – 42 Иско.
Атлетико – Облак, Савич, Годин, Филипе Луис, Хименес (Парти, 57), Сауль, Феррейра Карраско, Габи, Коке (Корреа, 76), Гризманн, Торрес (Гамейро, 56).
Реал Мадрид – Навас, Варан, Марсело, Данило, Рамос, Модрич, Каземиро (Васкес, 77), Кроос, Иско, Роналду, Бензема (Асенсио, 77).
Огоҳлантиришлар: Данило (4), Савич (6), Годин (34), Рамос (34), Габи (37), Корреа (85).
Илк учрашув: 0:3
Манба: www.uff.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20