Қадрли футбол ишқибозлари «ИнтерФУТБОЛ» газетасининг пайшанба сонида бир-биридан қизиқарли мақолаларни мутоала қилишингиз мумкин. Эсклюзив материаллар, таҳлил ва суҳбатлар ҳам сизни бефарқ қаолдирмайди деган умиддамиз.
Танишинг, газетамизнинг бугунги сонидан қуйидаги мақолалар ўрин олган:
- 3та муҳим воқеа
Ўзбек футболида охирги бир ой давомида янгиликлар силсиласи шу қадар кучли кўриниш олдики, гапни қай биридан бошлашни ҳам билмайсан. Бу худди узоқ вақт мудраб ётган айиқнинг уйғонишига ўхшайди.
- Сухроб БЕРДИЕВ: «Ҳамиша айбни ўзимдан излаганман»
Ўзбекистон миллий чемпионати олий лигасининг биринчи давра баҳслари ҳам аста-секин ўз якуни сари яқинлашяпти. Ортда қолган 9та турдан сўнг ҳозирча чемпионат кашфиётлари қаторида эътироф этилаётган «Қўқон-1912» жамоаси етакчиларидан бири Суҳроб Бердиевдан «Пахтакор»га қарши кечган ўйиндан сўнг интервью олдик.
- 9-тур рамзий терма жамоаси
Одатга кўра, олий лиганинг навбатдаги турида ажойиб ўйин кўрсатган футболчилардан иборат рамзий терма жамоа туздик. Бу сафар ҳам ўйинлар муросасиз курашларга бой тарзда кечди. Гарчи 9-турдаги аксарият учрашувлар кучли ёмғир остида ўтган бўлсада, табиат инжиқликлари ўйинчиларнинг шижоатига салбий таъсир ўтказа олмади.
- Соғинчли қайтиш
Миржалол Қосимовнинг қачондир «Бунёдкор»га қайтиши аниқ эди. Чунки мураббий жамоадан ёмон натижа учун истеъфога чиқарилмаган, керак бўлса, бунданда кўпроғини айтишимиз мумкин - «Бунёдкор»нинг деярли барча ютуқлари унинг номи билан боғлиқ. Шундай экан, ўзбек футболи афсонасининг қайтиши аввалдан кутилганди. Мазкур вазиятда фақат битта савол туғилади: нима учун бу иш эртароқ амалга ошмади?
- Максик шацких «орзум – Киев «Динамо»сини бошқариш»
Киевнинг «Динамо» клуби ёшлари (U-19) чемпионат якунланишига тўрт тур қолганида ғолибликни қўлга киритишди. Ушбу жамоа мураббийлар штабида Максим Шацких ҳам фаолият юритмоқда. Украина чемпионати тўпурарларидан бири ҳисобланган ҳамюртимиз ҳамкасби Юрий Морозга ёрдам бермоқда. Яқинда zbirna.com сайти Максим билан суҳбат уюштириб, турли мавзудаги саволларига жавоб олди.
- Сўнаётган ва сақланиб қолган интрига
Марранинг мафтункор жилваси кимгадир куч беради, яна бирига ҳаяжон - машаққатли мавсумнинг сўнгги бекатларини босиб ўтиш азалдан осон бўлмаган. Мана, қаторасига 9та учрашувни ғалаба билан якунлаган «Тоттенхэм» кутилмаганда «Вест Хэм»дан енгилиб, олтин медаллар орзусини саробга айлантирди. «Ювентус» эса Турин дербисида ғалабага эришолмай, «олтин пойга» интригасини яна бир турга узайтирди.
- Харри Реднапп: «Слуцкий – топ-мураббий»
70 ёшли Харри Реднапп ниҳоят, янги жамоани қабул қилиб олди: унинг олдига «Бирмингем Сити»ни Англия биринчи лигасида олиб қолишдек мураккаб вазифа қўйилганди. Эътиборлиси, фахрий мутахассис ишлари жуда тиғизлигига қарамай, «СЭ» мухбирларининг илтимосларига кўра, интервью учун маълум вақт ажратди.
- Криштиану VS Лионель термада ким фойдалироқ?
«Реал» ҳужумчиси Криштиану Роналду ўз мамлакати термасидаги фаолияти давомида тўпурарлик салоҳиятини намойиш этган энг яхши голеадорлар ўнлигидан ўрин эгаллади. Хўш, миллий жамоага фойда келтириши бўйича португалиялик юлдуз устунми ёки Лионель Месси? Soccer.ru қуйидаги мақола орқали ушбу мавзудаги тортишувларга чек қўйишни мақсад қилди.
- Кепқолинг, опқолинг!
Ёзги трансферлар дарчаси очилишига тобора оз фурсат қолмоқда. Демакки, аксарият футболчиларнинг бошқа клубларга ўтишлари ҳақидаги гап-сўзлар ҳам кўпайиши тайин. Қайсидир манба ўйинчининг топ-клубга ўтгани тўғрисида хабар тар-қатса, бошқаси унинг ҳали жамоа бошқарувини қўлга олмаган мураббий билан оғзаки келишувга эришганини айтади. Бундай маълумотлар ўз йўлига. Биз ҳозирча ёзги трансфер мавсумида харидоргир бўлиши кутилаётган футболчилар рўйхатига эътиборингизни қаратиш билан чекланамиз. Уларнинг нархи transfermarkt маълумотларига кўра берилган.
- Массимо Каррера «Ғалабани эрта нишонлашга тайёр эмасдим»
Москванинг «Спартак» клуби 16 йиллик танаффусдан сўнг Россия чемпиони бўлди. Жамоанинг бу муваффақиятида италиялик мураббий Массимо Карреранинг ҳиссаси катта. Чемпионлик масаласи ҳал этилганидан сўнг россиялик журналистлар ушбу мутахассис билан суҳбат уюштиришди.
- Стандартлар султони
«Агар мен инглиз клубининг соҳиби бўлганимда, мураббийликка Тони Пьюлисни таклиф этардим. У – жамоа кўзлаган марранинг забт этилиши кафолати. Тонининг жамоалари айнан мураббий ўйлагандек иш тутадилар. Бу –футболдаги энг қийин вазифа!» - касбдошлари тажрибасидан нимадир олиш илинжида бўлган Жозе Моуриньонинг хулосаси ана шундай…
- Панадаги қаҳрамон
«Реал» ва «Барселона» клублари ўртаси-даги сўнгги класико мухлисларга кутилмаган бир вазиятни совға қилди: мадридликларнинг кучи тугаб, ҳатто Криштиану Роналду ҳам жамоани олға бошлай олмай қолган ўта мураккаб вазиятда таркибдаги бир футболчи ҳалиям таслим бўлмай, тўп учун охиригача курашаётганди. У - Марсело эди. Ҳа, ўша, сира чарчамайдиган, ўжар, ҳимояда ҳам, ҳужумда ҳам бирдек самарали Марсело. Бизнингча, мухлислар ва мутахассислар Марселонинг имкониятларига етарлича баҳо бера олишмаяпти. Ваҳоланки, у деярли 10 йилдан буён «Реал» шарафини ҳимоя қилиб, «кўринмас қаҳрамон» даражасига чиқиб улгурди.
Ҳамиша бирга бўлайлик, азизлар!!!
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20