«Челси» сафарда «Вест Бромвич»ни кичик ҳисобда енгиб, муддатидан олдин чемпионлик унвонини расмийлаштирди. Бу жамоа тарихидаги 6-олтин медалдир. «Кўклар» бунгача 1954|1955, 2004|2005, 2005|2006, 2009|2010 ва 2014|2015 йиллар мавсумида зафар қичишганди. Жамоа ҳимоячиси Жон Терри эса АПЛ тарихида 5 марта чемпионлик нашидасини сурган илк сардор бўлди. Аввалги рекордчи - «МЮ»нинг собиқ сардори Рой Кин ҳисобида бу мақомда қўлга киритилган 4та олтин медаль бор. «Челси» бош мураббийи Антонио Конте дебют мавсумидаёқ жамоасини АПЛ чемпионлигига етаклаган 4-мутахассисдир. 47 ёшли итальяндан олдин Жозе Моуриньо («Челси»), Карло Анчелотти («Челси») ва Мануэль Пеллегрини («Манчестер Сити») Англиядаги илк мавсум якунида ғалабани тантана қилгандилар. Умуман, Англия чемпионатининг охирги 8та мавсумига қарасак, италиялик мураббий 4-марта ғолиб чиқди. Бунгача Карло Анчелотти («Челси»), Роберто Манчини («Манчестер Сити») ва Клаудио Раньери («Лестер») зафар қучгандилар. Контенинг клуб мураббийи сифатида қўлга киритган олтин медаллари сони 4тага етди. У аввалги 3та чемпионликни «Ювентус» бошқарувида нишонлаганди. «Челси» ярим ҳимоячиси Н ~Голо Канте эса 2та жамоа сафида АПЛ ғолиблигини қўлга киритган 8-футболчига айланди. У аввалги мавсум «Лестер» сафида олтин медаль ютганди. Карлос Тевес («Манчестер Юнайтед», «Манчестер Сити»), Эшли Коул («Арсенал», «Челси»), Хеннинг Берг («Блэкберн», «МЮ»), Коло Туре («Арсенал», «Манчестер Сити»), Николя Анелька («Арсенал», «Челси»), Гаэль Клиши («Арсенал», «Манчестер Сити») ва Роберт Хут («Челси», «Лестер») ҳам шундай натижа билан мақтана олишади.

«Манчестер Сити» ўз майдонида «Лестер»ни қийинчилик билан доғда қолдирди - 2:1. «Тулкилар» ҳисобни тенглаштиришлари ҳам ҳеч гап эмасди, аммо Риёд Маҳрез пенальтини амалга оширишда қўпол хатога йўл қўйди ва ҳакам унинг голини инобатга олмади.

«Арсенал» эса «Сток»ни енгиб, ЧЛ йўлланмаси учун курашиш имкониятини сақлаб қолди. Алексис Санчес «Сток» дарвозасини ишғол қилиб, АПЛдаги голлари сонини 50тага етказиб олди. Эътиборлиси, бунинг учун 101та учрашувда майдонга тушган чилилик ҳужумчи самарадорлик бобида «Арсенал» тарихидаги энг яхши футболчилардан биридир. Зеро, фақат Тьерри Анри (83та ўйин) ва Иан Райт (87та ўйин)гина 50та гол маррасини озроқ ўйинда забт этишган.

«Уайт Харт Лейн» аренасидаги охирги ўйинда «Тоттенхэм»га бас келолмаган «МЮ» эса якуний жадвалнинг кучли тўртлигига кириш имкониятини батамом йўқотди. Ўз навбатида, «Тоттенхэм» 2-ўринга мустаҳкам ўрнашди. Тур якунига кўра, АПЛ билан хайрлашадиган учинчи омадсиз жамоа ҳам аниқланди - «Халл Сити». «Йўлбарслар» Лондонда «Кристал Пэлас»га заррача қаршилик кўрсатолмай, 0:4 ҳисобида енгилишди. Айтиш жоиз, «Халл» мавсум-2014|2015 якунида ҳам 18-ўринни банд этиб, элитадан тушиб кетганди. Қарангки, худди ўша ҳолат такрорланди.

26-тур ўйини

10 май

САУТГЕМПТОН - АРСЕНАЛ - 0:2 (0:0)

Саутгемптон. 31474 томошабин.

Голлар: Санчес (60), Жиру (83).

------------------------------------------------

12 май

ЭВЕРТОН - УОТФОРД - 1:0 (0:0)

Ливерпуль. 38550 томошабин.

Гол: Баркли (56).

ВЕСТ БРОМВИЧ - ЧЕЛСИ - 0:1 (0:0)

Вест Бромвич. 25367 томошабин.

Гол: Батшуайи (83).

Челси: Куртуа, Аспиликуэта, Давид Луиз, Кэйхилл, Мозес (Зума, 86), Фабрегас, Матич, Алонсо, Педро (Батшуайи, 76), Азар (Виллиан, 75), Диего Коста.

13 май

МАНЧЕСТЕР СИТИ - ЛЕСТЕР - 2:1 (2:1)

Манчестер. 54407 томошабин.

Голлар: Сильва (29), Жезус (36-пен.) - Оказаки (42).

Амалга оширилмаган пенальти: Маҳрез (77, Л.).

Манчестер Сити: Кабальеро, Фернандиньо, Компани, Отаменди, Клиши, Туре, Стерлинг (Агуэро, 78), де Брюйне (Сабалета, 82), Сильва, Сане, Жезус (Навас, 90).

БОРНМУТ - БЕРНЛИ - 2:1 (1:0)

Борнмут. 11388 томошабин.

Голлар: Станислас (25), Кинг (85) - Воукс (83).

МИДЛСБРО - САУТГЕМПТОН - 1:2 (0:1)

Мидлсбро. 28203 томошабин.

Голлар: Бэмфорд (72) - Родригес (42), Редмонд (57).

Амалга оширилмаган пенальти: Шейн Лонг (64, С.).

САНДЕРЛЕНД - СУОНСИ - 0:2 (0:2)

Сандерленд. 38781 томошабин.

Голлар: Льоренте (9), Нотон (45+2).

СТОК СИТИ - АРСЕНАЛ - 1:4 (0:1)

Сток-он-Тренте. 27535 томошабин.

Голлар: Крауч (68) - Жиру (42, 80), Озил (55), Санчес (76).

14 май

КРИСТАЛ ПЭЛАС - ХАЛЛ СИТИ - 4:0 (2:0)

Лондон. 25176 томошабин.

Голлар: Заа (3), Бентеке (34), Мили-воевич (85-пен.), ван Анхолт (90).

ВЕСТ ХЭМ - ЛИВЕРПУЛЬ - 0:4 (0:1)

Лондон. 56985 томошабин.

Голлар: Старриж (35), Коутиньо (57, 61), Ориги (76).

Ливерпуль: Миньоле, Ловрен, Матип, Клайн, Лаллана (Груйич, 89), Милнер, Вейналдум, Жан, Коутиньо (Вудберн, 89), Ориги, Старриж (Лейва, 87).

Тоттенхэм - МЮ - 2:1 (1:0)

Лондон. 31848 томошабин.

Голлар: Ваньяма (6), Кейн (48) - Руни (71).

Тоттенхэм: Льорис, Алдервейрелд, Вертонген, Дэвис, Триппьер (Уокер, 83), Ваньяма, Алли, Эриксен (Н~Куду, 90), Дайер, Кейн, Сон Хюн Мин (Дембеле, 72).

----------------------—————-——————————————————-

28-тур ўйинлари. 15 май (душанба)

00:00       Челси - Уотфорд

17 май (чоршанба)

23:45       Саутгемптон - МЮ

34-тур ўйинлари. 16 май (сешанба)

23:45       Арсенал - Сандерленд

00:00       Манчестер Сити - Вест Бромвич

18 май (пайшанба)

23:45       Лестер – Тоттенхэм

Тўпурарлар:

Лукаку (Эвертон) - 24та

Кейн (Тоттенхэм) - 22та

Санчес (Арсенал) - 21та...

Келгуси ўйинлар:

21 май (якшанба)

19:00       Арсенал - Эвертон

19:00       Бернли - Вест Хэм

19:00       Лестер - Борнмут

19:00       Ливерпуль - Мидлсбро

19:00       МЮ - Кристал Пэлас

19:00       Саутгемптон - Сток Сити

19:00       Суонси - Вест Бромвич

19:00  Уотфорд - Манчестер  Сити

19:00       Халл Сити - Тоттенхэм

19:00       Челси – Сандерленд

Ўйиндан кейинги фикрлар:

Антонио Конте («Челси» бош мураббийи): - Футболчиларга меҳнатсеварлик ва тиришқоқлик бобида намуна кўрсатишгани учун раҳмат. Улар мавсум ўзгача кечиши учун ишга талаб даражасида ёндашдилар. Ҳаммаси жуда зўр. Англияга келиб, маҳаллий тил ҳамда урф-одатларга мослашиш, омадсиз мавсумдан сўнг футболчиларни руҳлантириш масаласида анча қийналдим. Муҳими, янги схема ўйинимизни ўзгартириб юборди. Чунончи, жамоа қандайдир янгиликка муҳтож эди. Мана, 3-4-3 схемаси футболчилар савиясига тўғри келди. Хуллас, яхши ишладик, бу шунчаки, омад эмас. Энди Англия кубоги қолди.

Крейг Шекспир («Лестер» бош мураббийи): - Сильванинг голи? Менимча, бу вазиятда Стерлинг тўпга ҳаракатланганди. Кўкка совурилган пенальти? Очиғи, нима бўлганини англай олмадим, бундай ғаройиб ҳолатни олдин кўрмагандим. Клуб билан шартномам мавсум охиригача мўлжалланган. Олдинда яна 2та ўйин бор ва улардан сўнг барчаси ойдинлашади.

Хосеп Гвардиола («Манчестер Сити» бош мураббийи): - Яна 2та жуда муҳим учрашув қолди. Бугун «Лестер» аввалги мавсум бежиз чемпионликка эришмаганини тўла тушундик. Маҳрезнинг бекор қилинган голи? Ҳаммаси тўғри. Бундай ҳолатга биринчи ёки иккинчи марта дуч келдим. Оёқ ҳаракатини кузатиш лозим.