Англия чемпионатининг 28-тур қолдирилган ўйинида “Челси” ўз майдонида “Уотфорд” устидан чиройли ғалабага эришди.

Голларга бой бўлган ўйинда “Челси” рақиб жамоа дарвозасига тўртта гол уришга эришди. Бунга жавобан “Уотфорд” учта гол билан жавоб йўллади.

Мавсум якунида “Челси”ни тарк этадиган Жон Терри учрашувнинг 22 дақиқасида гол муаллифига айланди.

Қизиқарлиси, Терри фаолиятидаги 17 мавсумда ҳам Англия Премьер-лигаси учрашувларида гол уришни уддалади.

Шу тариқа, лондонликлар мавсум чемпионлигини қўлга киритишганидан сўнг ҳам ғалабали серияни давом эттиришмоқда.

“Челси”– “Уотфорд” - 4:3 (2:1)

Голлар: Терри 22, Аспиликуэта 36, Батшуайи 49, Фабрегас 88 — Капу 24, Янмат 51, Окака-Чука 74.

“Челси”: Бегович, Зума, Терри, Аке, Кенеди (Айна 75), Виллиан, Чалоба (Фабрегас 79), Азар, Канте, Аспиликуэта, Батшуайи (Педро 84).

“Уотфорд”: Гомес, Предль, Холебас, Янмат, Мариаппа, Капу (Дини 90+1), Амрабат, Дукуре, Бехрами, Клеверли, Ньянг (Окака-Чука 71).

Огоҳлантиришлар: Холебас 4, Амрабат 11, Аке 30, Чалоба 58, Предль 83, Дини 90+4, Окака-Чука 90+4.

Четлатиш: Предль 90+2.