Харри Гейн «Тоттенхэм»нинг охирги 2та ўйинида нақ 7та гол уриб, кетма-кет иккинчи марта АПЛ «Олтин бутса»сини қўлга киритди. У бунгача пойгада етакчилик қилиб турган Ромелу Лукаку («Эвертон»)ни 4та голга ортда қолдирди. Оддий айтганда, финишдаги «покер» ва «хет-трик» ҳисобига 23 ёшли ҳужумчининг голлари сони 29тага етди.

«Челси» посбони Тибо Куртуа эса мавсум якунига кўра, «Олтин қўлқоп»ни ўзиники қилди. Бельгиялик дарвозабон чемпионат давомида 16та ўйинни «қуруқ» ўтказиб, Уго Льорис (15та) ва Давид де Хеа (14)ни ортда қолдирди. Умуман олганда, Куртуа 2014 йилдан буён «Олтин қўлқоп» соҳибига айланган «Челси»нинг биринчи вакили бўлди. Ўшанда Петр Чех ушбу совринни Войцех Шесни  («Арсенал») билан бўлишиб олганди.

«МЮ» хавбеки Анжель Гомеш «Кристал Пэлас»га қарши учрашувда АПЛдаги дебютини нишонлади. Унгача 2000 йилда туғилган футболчилардан ҳеч бири лига ўйинларида қатнашмаганди. Умуман, Гомеш 1953 йилдан буён «МЮ» сафида майдонга тушган энг ёш дебютант мақомини олди. Янги чемпион - «Челси» сўнгги турда «Сандерленд»ни чинакамига тор-мор этди - 5:1. Натижада Антонио Конте жамоасининг мавсумдаги ғалабалари сони 30тага етди - бу АПЛнинг янги рекорди.

«Арсенал» гарчи сўнгги турда ғалаба қозонган бўлсада, охирги 20 йил ичида биринчи марта ЧЛ йўлланмасидан мосуво қолди. Умуман, якуний натижаларга кўра, «Челси», «Тоттенхэм», «Манчестер Сити» ва «Ливерпуль» клублари асосий еврокубок йўлланмасини қўлга киритди. «Арсенал», «МЮ» ҳамда «Эвертон» жамоалари эса ЕЛда ўйнайди. Тўғри, «қизил иблислар»да ҳали ЧЛ йўлланмасини расмийлаштириш имкони бор. Жозе Моуриньо шогирдлари бунинг учун эртага ЕЛ финалини ўз фойдаларига ҳал қилишлари лозим.

28-тур ўйини

17 май

Саутгемптон - МЮ - 0:0

Саутгемптон. 31425 томошабин.

Амалга оширилмаган пенальти: Габбьядини (6, С.).

----------------------------------------------

34-тур ўйини

18 май

ЛЕСТЕР - ТОТТЕНХЭМ - 1:6 (0:2)

Лестер. 31351 томошабин.

Голлар: Чилвелл (59) - Кейн (25, 63, 88, 90}2), Сон Хюн Мин (36, 71).

21 май

Арсенал - Эвертон - 3:1 (2:0)

Лондон. 59976 томошабин.

Голлар: Бельерин (8), Санчес (27), Рэмзи (90}1) - Лукаку (58-пен.).

Арсенал: Чех, Косьельни, Габриэль (Мертесакер, 53), Монреаль, Холдинг, Озил, Рэмзи, Санчес (Ивоби, 68), Жака (Коклен, 62), Бельерин, Уэлбек.

Четлатиш: Косьельни (14, А.).

Бернли - Вест Хэм - 1:2 (1:1)

Бернли. 21634 томошабин.

Голлар: Воукс (23) - Фегули (27), А.Айю (72).

Лестер - Борнмут - 1:1 (0:1)

Лестер. 32000 томошабин.

Голлар: Варди (51) - Станислас (1).

Лестер: Шмейхель, Беналуан (Амарти, 59), Чилвелл, Фукс, Симпсон, Олбрайтон (Грэй, 73), Н~Диди, Кинг, Маҳрез, Варди, Слимани.

Ливерпуль - Мидлсбро - 3:0 (1:0)

Ливерпуль. 53191 томошабин.

Голлар: Вейналдум (45+1), Коутиньо (51), Лаллана (56).

Ливерпуль: Миньоле, Ловрен, Матип, Клайн, Милнер (Морено, 86), Лаллана, Жан, Коутиньо, Вейналдум, Фирмино (Лейва, 79), Старриж (Ориги, 82).

МЮ - Кристал Пэлас - 2:0 (2:0)

Манчестер. 75254 томошабин.

Голлар: Харроп (15), Погба (19).

МЮ: Каштру, Туанзебе, Байи, Жонс, Митчелл, Мактомини, Фосу-Менса, Лингард (Мартиаль, 45), Погба (Кэррик, 45), Харроп, Руни (Гомеш, 88).

Саутгемптон - Сток Сити - 0:1 (0:0)

Саутгемптон. 31286 томошабин.

Гол: Крауч (60).

Сток Сити: Батленд, Шоукросс, Питерс, Кэмерон, Мартинс Инди, Шакири (Муньеса, 90), Уэлан, Аллен, Собхи, Крауч, Диуф (Уолтерс, 70).

Суонси - Вест Бромвич - 2:1 (0:1)

Суонси. 20889 томошабин.

Голлар:  Ж.Айю (73), Льоренте (86) - Эванс (33).

Уотфорд - Манчестер  Сити - 0:5 (0:4)

Уотфорд. 20829 томошабин.

Голлар: Компани (5), Агуэро (23, 36), Фернандиньо (41), Габриэль Жезус (58).

Манчестер Сити: Кабальеро, Компани, Отаменди, Клиши, Сане (Навас, 62), Фернандиньо, Сильва, Туре (Санья, 63), де Брюйне, Габриэль Жезус, Агуэро (Ихеаначо, 71).

Халл Сити - Тоттенхэм - 1:7 (0:3)

Кингстон-апон-Халл. 23804 томошабин.

Голлар: Кейн (11, 13, 72), Алли (45), Ваньяма (69), Дэвис (84), Альдервейрельд (87).

Тоттенхэм: Льорис, Дэвис, Триппьер, Альдервейрельд, Вертонген, Эриксен, Ваньяма, Дайер (Дембеле, 73), Алли (Сиссоко, 73), Кейн (Янссен, 79), Сон Хюн Мин.

Челси - Сандерленд - 5:1 (1:1)

Лондон. 41618 томошабин.

Голлар: Виллиан (8), Азар (61), Педро (78), Батшуайи (90, 90}2) - Манкильо (3).

Челси: Куртуа, Давид Луиз, Терри (Кэйхилл, 28), Алонсо, Аспиликуэта, Фабрегас, Мозес, Виллиан, Канте, Азар (Педро, 71), Диего Коста (Батшуайи, 62).

Тўпурарлар:

Кейн (Тоттенхэм) - 29та

Лукаку (Эвертон) - 25та

Санчес (Арсенал) - 24та...

Ўйиндан кейинги фикрлар:

Арсен Венгер («Арсенал» бош мураббийи): - Жамоага муҳаббатим бир умрлик. Бу севги қиссасини шубҳа остига олиш мумкин эмас. Чунончи, фаолиятим давомида не-не клублар таклифларини рад этганман. Яна бир бор таъкидлайман, келажагимни Англия кубоги финалидан кейин раҳбарият вакиллари билан бафуржа муҳокама қиламиз.

Юрген Клопп («Ливерпуль» бош мураббийи): - Ҳаммаси ажойиб. Бугун эрталаб ўйин шундай кечишини тасаввур ҳам қилмагандим. Табиийки, хурсандман. Ўйлайманки, шогирдларим ЧЛ йўлланмасига муносиб эдилар. Тўғри, ўйинимизни кучайтиришимиз шарт. Факт шуки, «Ливерпул»дек жамоа асосий евротурнирда ўйнашга мутлақо ҳақли.

Хосеп Гвардиола («Манчестер Сити» бош мураббийи): «Челси» ва «Тоттенхэм»ни табриклайман. Шунинг баробарида, 3-ўринни эгаллаганимиздан қувонсам бўлаверади. Қаранг, «Арсенал»дек жамоа келаси мавсум ЧЛда ўйнамайди. Шунинг ўзи АПЛда қандай рақобат боришини тўла-тўкис кўрсатиб турибди.

Маурисио Почеттино («Тоттенхэм» бош мураббийи): - Аввало, футболчиларни фантастик мавсум билан табриклайман. Бутун чемпионат давомида анча қийналганимиз, етарлича тер тўкканимиз тайин. Шунинг учун ўзимиздан ғурурлансак бўлаверади. Чемпионатга айнан ўзимиз истагандек нуқта қўйдик. Кейт яна энг яхши тўпурар ва бу улкан натижа. Аммо озгина хафагарчилик ҳам бор: менимча, Льорис энг яхши дарвозабон мақомига муносиб эди.