27 май куни ўз уйида «Бунёдкор»ни қабул қилган «Навбаҳор» клуби ўз тарихида миллий чемпионатимиз доирасида 143-дурангини қайд этди. Наманган клуби дуранг қайд этиш бўйича олий лигамизда яққол рекордчидир. Ундан кейинги ўринларда «Андижон» (134та) ва «Пахтакор» (121та) келмоқда. Олий лига тарихида 100тадан ортиқ баҳсда дуранг ўйнаган жамоалар сони 10та, холос. «Чилонзор» ва «Вобкент» эса атиги 6тадан баҳсда дуранг ўйнашган, холос.

Тошкент ва Наманган шаҳри жамоаси жорий мавсумда (2017) ўзларининг 50 фоиз ўйинларида дуранг қайд этишди (6 тадан). 143 та дуранг 31 та клуб билан баҳсларда қайд этилган. Умуман олганда, ушбу жамоа олий лигада 752 та ўйин ўтказган бўлса, 357 та ғалаба, 143 дуранг, 252 мағлубият қайд этган. Тўплар нисбати: 1289-925. Ушбу клубнинг дуранглари жами ўйинларга нисбатан 19,01 фоизни ташкил этади.

Клубга 1974 йилда асос солинган бўлиб, 1988 йилдан буён «Навбаҳор» номи билан аталади. Олий лига тарихида мунтазам иштирок этиб келадиган 3 жамоанинг («Пахтакор» ва «Нефтчи» билан бирга) биридир. 1996 йили мамлакат чемпиони бўлган. Ушбу клуб сўнгги марта 2004 йилда чемпионат совриндори (3-ўрин) бўлган. Ўтган йили турнир жадвалида 15-ўринга тушиб кетиб, «ўтиш ўйини»да қатнашишига тўғри келди.

Наманган клуби олий лигада кўпроқ «Нефтчи» ва «Андижон» билан кучлари тенг келган - 13 мартадан. Бундан ташқари, кетма-кет узлуксиз 5 мавсум МҲСК (1993-1996 йиллар, 6 та ўйин) ва «Қизилқум» (2008-2012 йиллар, 7 ўйин) клублари билан дуранг ўйнаган. Бу «Навбаҳор»нинг энг узун сериясидир. Бундан ташқари, «Динамо» билан 2011-14 йилларда, яъни 4 мавсум дуранг ўйнаганини ҳам эслатиб ўтиш ўринли. 2008 йилги мавсум давомида жамоа 11 та дуранг ўйнаган бўлса, 2001 йилда атиги 1 та дуранг қайд этилган. 1-давра якунига кўра энг кўп дуранг (6 та) жорий мавсумда қайд этилди. Эслатиб ўтамиз, 2017 йил 1-давраси якунланишига яна 3 та тур бор ва «Навбаҳор» сўнгги 4 турда фақат дуранг ўйнаяпти!

1992 йил - 8та: Андижон (Наврўз) (1:1); Бухоро (Нурафшон) (1:1); Динамо (Самарқанд) (1:1, 1:1); Пахтакор (1:1); Сурхон (1:1); Шаҳрихончи (0:0); Чирчиқ (0:0)

1993 йил - 7та: Нефтчи (0:0); Андижон (Наврўз) (0:0); Сўғдиёна (0:0); МҲСК (1:1); Қўқон-1912 (Темирйўлчи) (1:1); Янгиер (1:1); Косонсой (1:1)

1994 йил - 6та: Нефтчи (1:1); Андижон (Наврўз) (0:0); Пахтакор (1:1, 1:1); МҲСК (3:3); Трактор (0:0)

1995 йил - 3та: Машъал (0:0); МҲСК (1:1); Трактор (1:1)

1996 йил - 5та: Андижон (Наврўз) (1:1); Бухоро (Нурафшон) (1:1); МҲСК (0:0, 2:2); Трактор (1:1)

1997 йил - 4та: Нефтчи (0:0); Пахтакор (2:2); МҲСК (2:2); Хоразм (0:0)

1998 йил - 5та: Нефтчи (2:2); Насаф (0:0); Қўқон-1912 (Темирйўлчи); Дўстлик (1:1, 2:2)

1999 йил - 7та: Андижон (Наврўз) (1:1, 2:2); Металлург (1:1); Бухоро (Нурафшон) (1:1); Сўғдиёна (1:1); Зарафшон (1:1, 2:2)

2000 йил - 8та: Нефтчи (3:3); Сўғдиёна (1:1); Зарафшон (2:2, 3:3); Хоразм (2:2); Сурхон (3:3); Турон (0:0), Кимёгар (0:0)

2001 йил - 1та: Зарафшон (2:2)

2002 йил - 4та: Қизилқум (1:1); Металлург (2:2); Насаф (1:1); Машъал (0:0)

2003 йил - 6та: Қизилқум (2:2); Металлург (1:1); Машъал (2:2); Пахтакор (1:1); Трактор (1:1); Гулистон (0:0)

2004 йил - 3та: Нефтчи (1:1); Қизилқум (2:2); Локомотив (0:0)

2005 йил - 3та: Машъал (0:0); Локомотив (1:1); Тўпаланг (1:1)

2006 йил - 5та: Қизилқум (1:1); Металлург (1:1); Динамо (Самарқанд) (0:0); Трактор (1:1); Тўпаланг (1:1)

2007 йил - 4та: Нефтчи (1:1); Металлург (1:1); Насаф (1:1); Локомотив (0:0)

2008 йил - 11та: Андижон (Наврўз) (0:0, 1:1); Қизилқум (1:1, 1:1); Металлург (2:2); Насаф (1:1); Сўғдиёна (1:1); Олмалиқ (ОТМК) (1:1); Бунёдкор (1:1); Шўртан (0:0); УзДонгЖу (1:1)

2009 йил - 7та: Нефтчи (1:1); Андижон (Наврўз) (0:0, 1:1); Қизилқум (1:1); Бухоро (Нурафшон) (1:1); Сўғдиёна (0:0); Олмалиқ (ОТМК) (0:0)

2010 йил - 4та: Нефтчи (1:1); Қизилқум (1:1); Насаф (1:1); Машъал (0:0)

2011 йил - 9та: Нефтчи (1:1); Андижон (Наврўз) (1:1, 0:0); Қизилқум (1:1); Металлург (0:0); Насаф (1:1); Бухоро (1:1); Динамо (Самарқанд) (1:1); Шўртан (0:0)

2012 йил - 8та: Қизилқум (0:0, 1:1); Металлург (0:0); Насаф (1:1); Бухоро (Нурафшон) (1:1); Динамо (Самарқанд) (1:1); Машъал (2:2); Шўртан (1:1)

2013 йил - 6та: Нефтчи (1:1); Бухоро (Нурафшон) (1:1); Динамо (Самарқанд) (1:1, 1:1); Пахтакор (2:2); Локомотив (1:1)

2014 йил - 3та: Нефтчи (1:1); Динамо (Самарқанд) (2:2); Бунёдкор (0:0)

2015 йил - 4та: Металлург (2:2); Насаф (1:1); Машъал (2:2); Олмалиқ (ОТМК) (2:2)

2016 йил - 5та: Андижон (Наврўз) (1:1); Насаф (2:2); Сўғдиёна (0:0); Олмалиқ (ОТМК) (3:3); Қўқон-1912 (Темирйўлчи) (1:1)

2017 йил - 6та: Нефтчи (1:1); Металлург (0:0); Бухоро (Нурафшон) (3:3); Локомотив (2:2); Қўқон-1912 (Темирйўлчи) (1:1); Бунёдкор (1:1)

ФИКРАТ тайёрлади