Ўзбекистон миллий терма жамоаси ярим ҳимоячиси Сервер Жепаров Эронга қарши ўйин олдидан ОФК расмий сайтига интервью берди. Суҳбат чоғида Осиёнинг икки карра энг яхши футболчиси ЖЧга чиқиш истаги бор эканини яширмади.

“Шахсан мен олдимизда турган учта ўйиннинг барчасида ғалаба қозонишни қийинчилик туғдирадиган томонларини кўрмаяпман. Россияга йўлланма олиш учун барча учрашувларда ғалаба қозонишимиз шарт ва мана шунда биз плей-офф босқичида ўйнамаймиз.

Плей-оффдаги ўйинлар футболчиларни жисмонан чарчатиши турган гап. Айнан шунинг учун эртага “Озоди”да фақат ғалаба учун майдонга тушамиз.

Жаҳон чемпионатига йўлланма олишни жуда ҳам истаяпман. Буни фақат биргина мен эмас бутун Ўзбекистон аҳли истамоқда. Ўзбекистонлик футбол мухлислари миллий жамоалари дунёнинг энг нуфузли мусобақасида иштирок этишини азалдан кутиб келишади.

Биз – Ўзбекистон терма жамоаси футболчилари мухлисларимиз орзуларини ушалтириш йўлида бор кучимизни сарфлашга тайёрмиз. МТЖ сўнгги 8 йилда кучли ўйинларимизни намойиш этмоқдамиз, айниқча ҳозирги таркибни мен бирга ўйнаган таркибларнинг энг кучлиси деб ҳисоблайман.

Тажрибали ярим ҳимоячи Ўзбекистон термаси ЖЧ–2014 турнирига чиқишга жуда яқин келгани ва қўлдан бой берилган имкониятдан кейин кетиш ҳақида ўйлаганини айтиб ўтди.

Биз яхши ўйнаган эдик ва ЖЧ–2014 турнирига чиқиш учун битта гол камлик қилиб, орзулар армонга айланган. Айнан мана шундан сўнг футбол ўйнашни тўхтатмоқчи бўлгандим, ҳатто мухлислик қиладиган жамоам ўйинларини томога қилишдан бош тортганман.

Эрон ЖЧ–2018 саралаш босқичида 7 та ўйин ўтказиб, 5 та ғалаба ва 2 та дуранг қайд этди. Карлуш Кейруш шогирдлари бирорта ҳам ўйинда гол ўтказиб юбормади. Шунга қарамай, Сервер Жепаров эртанги ўйин олдидан ижойиб кайфиятда эканини айтди.

Эрон терма жамоаси кучли рақиб улар бизни Тошкентда мағлуб этишни уддалашди. Лекин нега биз уларни Теҳронда мағлуб эта олмаймиз. Умид қиламанки, натижа кўнгилдагидек бўлади”, - дейди Сервер Жепаров Эронга қарши учрашув олдидан.