Қайднома

Қидирув

Конфедерациялар Кубоги-2017, 2-кун: Чили мусобақани ишончли ғалаба билан бошлади

Конфедерациялар Кубоги-2017, 2-кун: Чили мусобақани ишончли ғалаба билан бошлади

  19.06.2017 00:55
  0
  257
Конфедерациялар Кубоги-2017, 2-кун: Чили мусобақани ишончли ғалаба билан бошлади

Россияда старт олган Конфедерациялар кубоги мусобақасининг "В" гуруҳидан ўрин олган Камерун ҳамда Чили жамоалари ўртасидаги учрашув якунланди.

Унда Чили терма жамоаси Камерунни 2:0 ҳисобида мағлубиятга учратди.

Ўртача темпда кечган ўйин асосан чилилик футболчилар назорати остида ўтди. Африкаликлар эса вақти-вақти билан қарши ҳужумларга ўтиб, ўз имкониятларидан фойдаланишга ҳаракат қилиб кўрди.

Биринчи бўлимнинг қўшимча дақиқаларида Чили терма жамоаси ҳисобни очганди. Аммо видеотакрор туфайли бу гол офсайддан киритилди дея баҳоланди ва инобатга олинмади. Шу тариқа дастлабки 45 дақиқалик 0:0 ҳисобида якунланди.

Иккинчи бўлим ҳам худди биринчиси каби сценарий остида кечди. Бўлим ярмидан ўтганидан кейин эса Чилининг етакчиларидан бири Алексис Санчес захирадан майдонга тушди ва унинг ўйинга қўшилиши ўз фойдасини берди.

81 дақиқада айнан Санчеснинг пасидан сўнг Артуро Видаль боши билан тўпни дарвозага жойлаб қўйди.

Ҳакам томонидан қўшиб берилган дақиқаларда чилиликлар яна битта гол киритишга муваффақ бўлди. Бу голда ҳам Санчеснинг меҳнатлари катта аҳамият касб этди. Гол муаллифи эса Эдуардо Варгас.

Шу тариқа Чили Конфедерациялар кубоги мусобақасини ғалаба билан бошлади ва ўз ҳисобига уч очко ёзиб қўйди.

Конфедерациялар кубоги 1-тур

"B" гуруҳи

Камерун – Чили 0:2

Голлар: Видаль, 81, Варгас, 90+1.

Камерун: Ондоа, Нгаде-Нгаджуи, Фэ, Мабука, Тейку, Сутчин-Джум, Замбо, Бассогог, Муканджо, Абубакар, Сиани (Нгамале, 86).

Бош мураббий: Уго Броос

Чили: Эррера, Исла, Босежур, Хара, Диас, Медель, Видаль, Арангис (Сильва, 71), Варгас, Фуэнсалида (Валенсия, 64), Пуч (Санчес, 58).

Бош мураббий: Хуан Антонио Торроха Пицци

Огоҳлантишлар: Хара (66).


Манба: www.interfutbol.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »

Кун фотоси

  • ЎФФ ва ПФЛнинг янги раҳбарияти олиб бораётган ислоҳотларга қандай баҳо берасиз?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz