«Ювентус» директори Беппе Маротта клубнинг трансферлар бозорига боғлиқ режаларини ошкор қилди.

«Челси» Алекс Сандро масаласида жуда катта таклифни ўртага ташлади, аммо уни рад этдик. Футболчи ўз келажагини мустақил ҳал қилсин.

Шунингдек, Дуглас Коста агентлари билан боғланиб, гаплашиб кўрдик. Энди гап «Бавария»да - агар клуб уни чиндан ҳам, сотишга чоғланган бўлса, нарх бобида келишиб олишга уринамиз, албатта.

Андрес Иньеста? Йўқ, бу трансферни амалга ошириш иложсиз. Зеро, футбол ичида ҳам баъзи қадриятларга ҳурмат билан ёндашишимиз шарт. Нетога келсак, ўз талабларига мувофиқ, уни трансферга қўйдик.

«Милан»?  Йўқ, ҳали бу клубдан таклиф олмадик. Яна бир Игуаин? Йўқ, катта харидларга қўл уриш ниятидан йироқмиз. Чунки ортиқча харажатларга йўл қўймоқчи эмасмиз.

Верратти? Амплуаси ва трансфер нархидан келиб чиқиб айтишим мумкинки, айни пайт бу футболчига эҳтиёжимиз йўқ. Патрик Шик? Ҳозирча расмий ҳаракатлар бошланмади, бироқ йигитчани кузатиб бораётганимиз рост.

Умуман, Патрикка узоқ муддатли режа бўйича ишонч билдирмоқчимиз»,-деди Маротта.