Янги тузилма, янги раҳбарлар таркиби. ПФЛдаги ўзгаришлар, болалар ва катталар спорт турларини ривожлантириш — 2017−2020 йилларда футболни ривожлантириш режалари. Сентябрда Ўзбекистон футбол федерацияси (ЎФФ) ўзбек футболини ривожлантириш бўйича янги концепцияни қабул қилади. Бу ҳақда чоршанба куни бўлиб ўтган Халқаро пресс-клубда федерация бош котиби Сардор Раҳматуллаев маълум қилди.
«Сентябрда ЎФФнинг навбатдаги ҳисобот-сайлов конференцияси бўлиб ўтади. Унда федерациянинг янги раҳбарлар таркиби сайланади. Янги тузилма, янги раҳбарлар таркиби, Профессионал футбол лигасидаги ўзгаришлар, болалар ва катталар футболини ривожлантириш — булар 2017−2020 йилларга мўлжалланган дастурдан ўрин олган», — деди Сардор Раҳматуллаев.
Миллий терма жамоанинг жаҳон чемпионати-2018 саралаш босқичидаги чиқишлари тўғрисида сўзлар экан, у хатолар мавжудлигини тан олди, бироқ ЎФФ ва мураббийлар штаби мундиалга тўғридан-тўғри чиқиш учун барча кучларни сафарбар қилишини таъкидлади.
«Бош мураббий Самвел Бабаян билан шартнома саралаш босқичи якунига қадар имзоланган, агар у ўзига юкланган вазифани бажара олмаса, истеъфога чиқиши мумкин. Лекин айни пайтда ЖЧ чиқишимиз учун жуда яхши имкониятлар мавжуд. Бу имконият ўз-ўзидан пайдо бўлмади. Бунда мураббийлик гуруҳининг роли катта», — таъкидлади ЎФФ бош котиби.
Унинг сўзларига кўра, ЖЧ га чиқиш курашидаги асосий рақиб — Жанубий Кореянинг кўрсаткичлари ҳозирча яхши эмас. «Осиё йўлбарслари» тақдири уларга боғлиқ бўлмаган бир пайтда Ўзбекистон жамоасида вазият бошқача: «барчаси ўз қўлида»
Манба: gazeta.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20