Конфедерациялар кубогининг ярим финал баҳслари ортда қолди.

Ҳозиргина якунига етган ярим финалнинг иккинчи баҳсида Германия терма жамоаси Мексика устидан йирик ҳисобда ғалаба эришди ва Чилининг финалдаги рақибига айланди.

Европа вакиллари ўйинни тезкор голлар билан бошлашди. Ўйиннинг 6 ва 8 дақиқаларида Леон Горецка Мексика ҳимоясидаги палапартишликни жазолаб ҳисобни 2:0 кўринишига келтирди ва биринчи 45дақиқалик шу ҳисобда якунланди.

Иккинчи бўлим ҳам Германия устунлигида бошланди ва улар 3 голни ҳам киритишди. Чиройли тарзда ташкил этилган ҳужум Вернернинг голи билан якунланди.

89 дақиқада заҳирадан майдонга тушган Марко Фабиан ҳисобни биттага қисқартишга муваффақ бўлди. Аммо бу қувонч узоққа чўзилмади, чунки бу голдан икки дақиқа ўтар-ўтмас Германия яна битта тўп киритди. Гол муаллифи Амин Юнес.

Шу тариқа Германия терма жамоаси ишонч билан мусобақа финалига йўлланмани қўлга киритишди.

Германия – Мексика 3:0 (2:0)

29 июнь. «Олимпийский стадион Фишт». 38000 томошабин

Голлар: Горетцка (6, 8), Вернер (59), Юнес (90+1) – Фабиан (89).

Германия: тер Стеген, Хектор, Гинтер, Рюдигер, Хенрихс, Горетцка (Жан, 67), Киммих, Руди, Дракслер (Юнес, 82), Вернер, Штиндль (Брандт, 79).

Мексика: Очоа, Морено, Лайюн, Араухо, Аланис, Акино (Лосано, 46), Дос Сантос (Маркес, 67), Эррера, Хименес, Эрнандес, дос Сантос (Фабиан, 63).

Огоҳлантиришлар: Хименес (55), Жан (72).