Россиянинг realnoevremya.ru интернет нашри “Ростов” янги “Месси”ни харид қилди сарлавҳаси остида хабарли мақолани эълон қилди.

Маълумотларга кўра, “Ростов” жорий йилги трансферлар мавсумида 16 нафар янги футболчини қўшиб олган, барчасининг трансфери қиймати бир бўлиб 3-5 млн еврони ташкил этади.

Лекин шунча харидларни амалга оширган “Ростов”ни Қурбон Бердиев тарк этди, мутахассис ўзи билан бирга бир қанча футболчиларни ҳам олиб кетди.

“Яъни Бердиев “Рубин”га Жанаев, Гранат, Кудряшов ва Азмун каби футболчиларни жалб этди. “Ростов”ни энг сўнггилар қаторида эронлик ҳужумчи Сардор Азмун ҳам тарк этди.

Ростовликлар Азмун ўрнини ундан кам ўйнамайдиган қитъадоши “Бунёдкор” клуби ҳужумчиси Элдор Шомуродов каби иқтидорли футболчи билан тўлдирди. Элдор 2015 йилда Осиё қитъасининг энг яхши уч футболчиларидан бири сифатида эътироф этилганди.

Шомуродов ўша вақт ўзига ярашадиган “ўзбек Мессиси” каби машҳур лақабга эга бўлган. Деярли барчанинг хабари бор, Азмунни ўз юртида “эронлик Месси” дея аташади, аммо Сардор бундай исмдаги чақиришни унчалик ҳушламади.

Айтишадику бирининг ўрнини бири босишади деб. “Ростов” тезлик билан “эронлик Месси” ўрнини “ўзбекистонлик Месси” билан тўлдири, бу соҳада ростовликларнинг омади келди.

Таъкидлаб ўтиш жоиз Элдорнинг майдондаги ҳаракатлари аргентиналик футбол юлдузи Мессини эслатади. Чунки Шомуродов майдондаги тирик рақобатдан чўчимайди, доим олдинга интилади ва шунинг билан бирга ҳужумчи, ярим ҳимоячи сифатида ўйнай олади.

“Ростов”нинг янги схемаси (3-4-2-1) да Элдор ўйиннинг сўнгги 10 дақиқаларида жамоани кучайтиришда ёрдам беришига ишонамиз”, - дея ёзади Россия realnoevremya.ru интернет нашри.