Қайднома

Қидирув

Расмий хабар: Эдгар Гесс «Шўртан»да иш бошлади

Расмий хабар: Эдгар Гесс «Шўртан»да иш бошлади

  26.07.2017 10:19
  0
  196
Расмий хабар: Эдгар Гесс «Шўртан»да иш бошлади

Маълумки, иккинчи давра ўйинларига тайёргарлик кўраётган “Шўртан” жамоамиз ҳал қилувчи йиғинларни Тошкентда ўтказмоқда.

5 июлдан эътиборан Ғузорда бошланган ушбу жараёнларда футболчиларимиз Виталий Легай ва Геннадий Кочневлар қўл остида машғулотларда қатнашишаётган эди.

Шу боис барча мухлислар ва мутахассисларни бош мураббий масаласи қизиқтириб келаётганди. Бу борада сайтимиз орқали ҳам бир неча марта маълумотлар бериб бордик.

Жумладан клубимиз раҳбарияти бир қатор тажрибали мутахассислар билан мулоқот олиб бораётганлигидан ҳам воқиф этдик. Ниҳоят куни кеча якуний қарор қабул қилинди.

Бундан аввал ҳам “Шўртан”да фаолият кўрсатган, ғузорлик мухлислар меҳрини қозонган ва айтиш жоизки, ҳозирча жамоамизни ўз тарихида энг юксак натижаларга эриштирган Эдгар Гесс “Оқ бўрилар” бошқарувига муносиб номзод деб топилди.

25 июль кечки машғулотлар арафасида клубимиз раҳбарияти футболчилар ва мураббийлар штаби вакиллари билан йиғилиш ўтказди ҳамда Э.Гессни расман бош мураббий сифатида таништирди.

Эслатиб ўтамиз, ушбу мураббий “Шўртан”ни 2009-2011 ва 2012-2013 йиллар давомида бошқариб борди. Унинг қўл остида “Оқ бўрилар” жамоаси 2010 йилги мавсумда Олий лигада 4 ўринни эгаллашди.

Шу йилнинг ўзида “Шўртан” Ўзбекистон Кубогининг финалига қадар етиб борди. 2011 йилги мавсумда эса Ғузор жамоаси Халқаро мусобақа - Осиё Конфедерацияси Кубогида муваффақиятли иштирок этди. Гуруҳдан кейинги босқич - 1/8 финалга чиқиш вазифасини уддалади.

Сайтимизни кузатиб боринг, тез орада “Шўртан”нинг янги бош мураббийи билан батафсил суҳбатни эълон қиламиз.


Манба: www.fcshurtan.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

МАВЗУГА ОИД БОШҚА ХАБАРЛАР

Оммабоп мақолалар

Хабарингиз борми

Чемпионатлар

Жамоа Ў О
тўлиқ маълумот »

Кун фотоси

FUTBOL TV телеканалининг 15-декабрь кунидаги кўрсатувлар дастури

  • Ўзбекистон терма жамоасининг янги бош мураббийи ким бўлиши мумкин?

  • Ҳўш, сайтимиз сизга ёқдими?


© "Interfutbol.UZ". © 2006-2017. Мобил версия
Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!
Барча ҳуқуқлар амалдаги қонунчиликка биноан ҳимояланган.