«Рома» президенти Жеймс Паллотта «Милан» раҳбариятини танқид остига олганди. Яъни клубнинг трансфер сиёсатини қоралаб чиққанди: «Милан»да нималар юз бераётганини тушунмаяпман. Жамоа раҳбарларининг қилаётган ишларида маъно йўқ. Хитойликларда клубни сотиб олиш учун пул йўқ эди. Шунда улар лондонлик танишларимдан катта фоиз эвазига 300 миллион евро қарз олишди. Энди эса трансферларга пул сочишмоқда. Бу ишлар учун жавобгарлик ҳам бор. Дейлик, «Милан»нинг иш ҳақи сметаси умумий даромади миқдорига тенглашиб қолди. Хуллас, «Милан» - «А» сериясининг ақлдан озиб бораётган ягона клуби». Табиийки, «Милан» бош директори Марко Фасоне бундай айбловни жавобсиз қолдирмади: «Муҳтарам Паллотта, баёнотингиз бизни чинакамига ҳайратга солди. Унда клуб эгалари 300 миллион евро қарз кўтаришганини айтибсиз. Бироқ клубнинг нархига эътибор қаратинг - 740 миллион евро. Elliott жамғармасидан 180 миллион евро қарз олганимиз рост ва буни ҳамма билади. Иккинчидан, клубимизни катта молиявий муаммолар кутаётганини башорат қилибсиз. Мана, янги мавсум учун 50 миллион евролик облигация чиқардик. Трансферлар харажати эса бундан пастроқ бўлди. Бундан ташқари, узоқ муддатли молиявий режа тузиб, уни УЕФАга тақдим қилганмиз. Буларнинг ҳаммаси очиқ-ойдин маълумотлардир. Айниқса, «Милан»нинг ақлдан озаётгани ҳақидаги гапларингиз оғир ботди. Зеро, ҳар бир қадамни обдон ўйлаб, кейин ташлаяпмиз. Жаноб Паллотта, агар қарши чиқмасангиз, «Милан» ва «Рома» клубларинг молиявий ҳисоботларини ўзаро солиштиришга тайёрман».
Эътиборлиси, Паллотта шундан сўнг «Милан» вакилларидан расман ва ошкора узр сўради: «Нотўғри маълумотларга таяниб гапирган бўлсам, кечирасизлар.
Шунчаки, Италия футболи яна чўққига қайтиши хусусида қайғурмоқдаман. Яъни «Рома» қатори барча клубларнинг кучайиши, натижада лига мавқеси тикланиши тарафдориман. «Милан» ва унинг раҳбариятига муваффақият тилайман. «А» серияси ўсиши йўлида биргаликда иш олиб боришдан умидворман».
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20