Бугун Тошкент вақти билан тонгги 05:30 АҚШ чемпионати МЛСнинг юлдузларидан ташкил топган терма жамоа Мадриднинг «Реал» клубига қарши ўртоқлик учрашуви ўтказди.

Қизиқарли тарзда кечган баҳс 1:1 ҳисобидаги дуранг билан якунланган бўлса, пенальтилар сериясида омад мадридликларга кулиб боқди.

Борха Майораль 59 дақиқада ҳисобни очган бўлса, 87 дақиқада Дом Дуайер мувозанатни тиклади. Қизиғи, айнан Дуайер ва Жованни дос Сантослар пенальтилар сериясида хатоликка йўл қўйишди.

Америкаликлар таркибида Тим Ховард, Кака, Давид Вилья ва Бастиан Швайнштайгер каби ёрқин юлдузлар ҳам иштирок этишди.

МЛС юлдузлар: Ховард (Фреи С.), Алтидор (Пиатти), Кака (Алмирон M.), Гарза Г. (Бисли Д.), Жовинко С. (Николич Н.), Брэдли М. (Валери Д.), Ван Дамме Й. (Паркхерст М.), Вилья Д. (Дом Дуайер), Зуси Г. (Грана Х.), Каппелхоф Й. (Хедгес M.), Швайнштайгер Б. (Маккарти Д.).

Реал: Навас (Янес), Асенсио (Бэйл), Иско (Марсело), Кроос (Себальос), Лукас (Оскар Арнаиз), Льоренте (Каземиро), Майорал (Бензема), Начо (Техеро), Рамос (Вальехо), Хакими (Карвахаль), Эрнандес (Ковачич).