Германия Суперкубоги баҳсидан ўрин олган «Боруссия Д» – «Бавария» учрашуви ўз ниҳоясига етди. Унда 2:2 ҳисоби қайд этилиб, пенальтилар сериясида мюнхенликлар омадли чиқишди.

Учрашувнинг 12-дақиқасида Кристиан Пулишич дортмундликларни олдинга олиб чиққан бўлса, орадан 6 дақиқа ўтиб Роберт Левандовски мувозанатни тиклади.

71-дақиқада Пьер Эмерик Обамейянг мезбонларнинг иккинчи голига муаллифлик қилди. Ўйин асосий вақтининг тугашига икки дақиқа қолганда Жошуа Киммих рақиб жарима майдончаси ичидаги палапартишликдан унумли фойдаланди, тўп дортмундликлар посбони Бюркига тегиб дарвозадан жой олди.

Шу тариқа ўйин тақдири пенальтилар сериясида аниқ бўлди, унда омад «Бавария» футболчиларига кулиб боқди.

Германия Суперкубоги

Боруссия Д – Бавария 2:2 (1:1)

Пеналтилар серияси : 1:0, 1:1, 2:1, 2:2, 3:2, 3:3, 4:3, 4:4, 4:5.

Голлар: 1:0 – 12 Пулишич, 1:1 – 18 Левандовски, 2:1 – 71, пенальти Обамеянг, 2:2 – 88, автогол Бюрки.

Боруссия Д – Бюрки, Папастатопулос, Загаду (Пасслак, 77), Пишчек, Бартра, Дауд (Роде, 46), Шахин, Дембеле, Кастро, Пулишич (Филипп, 90), Обамеянг.

Бавария – Ульрайх, Мартинес (Зюле, 60), Хуммельс, Рафинья, Толиссо (Саншеш, 84), Киммих, Видаль, Руди, Рибери, Мюллер (Коман, 67), Левандовски.

Огоҳлантиришлар: Папастатопулос (17), Загаду (53), Левандовски (69), Видаль (74), Роде (86), Пасслак (90).