Россия чемпионатининг 4-туридан ўрин олган «Зенит» – «Спартак» учрашуви ўз ниҳоясига етди. «Крестовский» стадионида бўлиб ўтган баҳсда, питерликлар амалдаги чемпионни тор-мор келтирдилар.

Биринчи бўлимда «Зенит» Александр Кокорин ва Александр Ерохиннинг голларидан сўнг яхши кайфиятда танаффусга йўл олди.

Сўнгра иккинчи бўлим дебютида Доменико Кришито ва Далер Кузяевлар мезбонларнинг ҳисобдаги устунлигини янада оширдилар. 71-дақиқада Квинси Промес пенальтидан унумли фойдаланиб ҳисобни бироз қисқартиришга эришди.

77-дақиқада Артём Ребров ўз дарвозасини ишғол қилиб қўйди ва шундан сўнг ҳисоб 5:1 кўринишига келди.

Шу тариқа, италиялик мутаҳассислар баҳсида Роберто Манчини устун чиқди ва питерликлар «Локомотив» билан биргаликда мусобоқа жадвалида карвонбошилик қилмоқдалар.

Россия чемпионати

4-тур

Зенит – Спартак 5:1 (2:0, 3:1)

Голлар: 1:0 – 36 Кокорин, 2:0 – 45 Ерохин, 3:0 – 57 Кришито, 4:0 – 63 Кузяев, 4:1 – 71, пенальти Промес, 5:1 –77, автогол Ребров.

Зенит – Лунев, Смольников, Иванович, Маммана, Кришито, Кузяев (Терентьев, 76), Ерохин, Паредес, Шатов (Жирков, 80), Кокорин (Дзюба, 87), Дриусси.

Спартак – Ребров, Ещенко, Боккетти, Джикия, Комбаров, Самедов (Пашалич, 72), Фернандо, Глушаков, Промес, Попов (Зе Луиш, 57), Луис Адриано.

Огоҳлантиришлар: Жикия (27), Глушаков (34), Паредес (40), Комбаров (45), Фернандо (89), Терентьев (90).

Четлатишлар: Смольников (90), Луис Адриано (90).