Барча футбол ишқибозларини яна бир марта Скопье шаҳридан қутлаймиз!

 Яна бир неча соатлардан кейин Македония пойтахтидаги "Филипп II Македонский" стадионида "Реал" ҳамда "Манчестер Юнайтед" клублари ўртасида УЕФА Суперкубоги учун баҳс бўлиб ўтади.

www.uff.uz сайти журналисти Санъат Шарипов Македониядан ўзбекистонлик мухлислар учун ажойиб фотосуратларни юборди.

Суратлар қуйида томоша қилишингиз мумкин!

Ҳозирданоқ шаҳар футбол кайфиятига шўнғиган. Шаҳар марказидаги Makedonska ҳиёбони футбол шукуҳига бурканган.

Икки жамоанинг ашаддий ишқибозлари ҳали унча кўзга ташланганича йўқ, аммо улар тез орада ушбу худудларни эгалашларига шубҳамиз йўқ.

Шаҳар маъмурияти футбол мухлислари учун махсус фан-зоналарини ташкил қилган. Санъаткорларнинг жонли ижролари, кўнгиллилар, болакайларнинг футбол ўйинлари ва бошқа кўнгилочар тадбирлар бугунги ўйинни қизиқарли ўтишини таъминлашларига шубҳамиз йўқ.

Мен тез орада стадионнинг медиа-марказига боришни ва ўша ердан материаллар узатишни режалаштирганман. Умуман олганда, ҳамма нарса ўйинга шай.

Лекин, меҳмонхоналар билан боғлиқ муаммолар тўхтамаяпти. Аниқроғи, Скопье шаҳри сайёҳларнинг оқимига бардош бера олмаяпти.

Жой йўқлигидан мухлислар қўшни Греция давлатига тегишли бўлган Саллонники шаҳрида яшаб туришга мажбур бўлишмоқда.

Хуллас, мана шуларнинг барчаси ўйин атрофида.

Бевосита учрашув ҳақида бироздан кейин тўхталиб ўтамиз.

Видеолавҳа билан танишинг: