«Реал» ҳужумчиси Криштиану Роналду 31 июль куни Испания судида кўрсатма берди. 32 ёшли футболчи хусусан, солиқ тизими бўйича ҳеч нарсани тушунмаслиги ва бу борадаги барча ишларини маслаҳатчиларига топшириб қўйганини таъкидлади.
«2014 йили солиқ тўловларини 100 фоиз амалга оширдим. Аслида бу масалада заррача тушунчам йўқ. Дейлик, мактабда 6-синфгача ўқиганман, холос.
Демоқчиманки, фақат футбол ўйнашни биламан. Шу туфайли бошқа ишларимни маслаҳатчиларим зиммасига юклаганман. Табиийки, уларга яхшигина маош тўлайман ва агар ҳамма ишлар жойида эканлигини айтишса, гапларига тўлиқ ишонаман.
Чунки маслаҳатчиларим ўз вазифаларини сифатли бажармоқдалар»,-деди Роналду.
Умуман олганда, футболчи ва судья ўртасидаги савол-жавоблар 85 дақиқа давом этди. Marca нашри EFE манбасига таяниб, унинг кўрсатмасидан парча ҳам келтирди:
«Ҳар доим солиқ мажбуриятларига амал қилиб келганман - ҳар доим: Англияда ҳам, Испанияда ҳам. Шунчаки, ҳеч нарсани яширолмайман. Бу жуда кулгули бўларди. Ҳамма учун худди очиқ китобдекман.
Оддий мисол, Forbes журнали йиллик даромадим миқдорини жуда яхши билади. Жаноб судья, кўзингизга тик боқиб, ҳақиқатни гапирмоқдаман. Агар алдаётганимни аниқласангиз, мени яна бир марта чақиринг ва жазога тортинг.
Такрор айтаман, қайси мамлакатда бўлмайин, вакилларимдан солиқ масаласига эътибор билан ёндашишларини сўраганман. Ҳа, ҳаммадан ажралиб туришни исташим рост, аммо бу фақат футбол майдонига дахлдор гап. Унинг ташқарисида эса худди сизлардек бўлишга ҳаракат қиламан.
Мисол учун, 2014 йили меъёридан кўпроқ солиқ тўлаган эканман. Тўғри, жуда катта пул топаман, аммо ҳамма биладики, молиявий масалаларда ҳамиша тўғри иш юритишга интиламан. Шунинг учун ҳам, ҳозир нимага бу ерда турганимни унча англолмаяпман.
Жорже Мендешнинг вазифаси - ўз мижозларига яхши шартнома таклиф қилиш. Унинг иши ҳаммага маъқуллиги боиси шу. Ўйлайманки, Мендеш солиқ атамалари ёки «Бекхэм қонуни»ни тушуниши шарт эмас». Айтиш ўринли, Испания прокуратураси футболчини 14,7 миллион евро миқдорида солиқ тўловларини яширганликда айбламоқда.
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20