Хабарингиз бор, ҳамюртимиз Сардор Рашидов эндиликда фаолиятини БААнинг “Ал Жазира” клубида давом эттиради. Илгари 2 мавсум давомида Қатарнинг “Ал Жайиш” жамоси шарафини ҳимоя қилган миллий терма жамоамиз аъзоси яқинда БАА чемпиони билан 2 йиллик шартнома имзолади.
Янги мавсумга ҳозирлик олиб бораётган “Ал Жазира” 11 август куни ёзги илк ўқув-машғулот йиғинини якунлади. Жамоа Голландияда йиғин ташкил этганди. “Жазира” футболчилари “Лолалар юрти”да 24 кун мобайнида машғулотлар олиб боришди.
Қолаверса, 5 та назорат учрашувида ҳам майдонга тушилди. НEК, “Девентер”, “Де Трефферс” ҳамда “Фортуна Ситтард” клубларига қарши кечган учрашувларда Сардор Рашидов ҳам майдонга тушди ва бир бор рақиб дарвозасини ишғол этишга муваффақ бўлди.
Эндиликда Абу Даби шарафини ҳимоя қилувчи жамоа ўз қароргоҳида машғулотларни давом эттиради. “Ал Жазира” БАА Про Лигасининг илк тур ўйинини 20 сентябрь куни “Ажман”га қарши ўз уйида ўтказади.
Таъкидлаш жоизки, “Ал Жазира” таркибини янги мавсум олдидан Муборак Буссуфа, Аҳмад Ҳалил, Лассана Диарра каби ижрочилар билан тўлдириб олди. Ҳамюртимиз Буссуфа 10-рақамни банд этгани боис янги жамоасида 9-рақам остида тўп тепадиган бўлди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20