УЕФА Чемпионлар лигаси янги мавсуми учун пул мукофотларини эълон қилди. Гуруҳ босқичининг ҳар бир иштирокчиси 12,7 млн евродан пул олади. Бундан ташқари, гуруҳ босқичидаги ҳар бир ғалаба учун 1,5 млн, дуранг учун 500 минг евро берилади.
1/8 финал босқичига йўл олган жамоа 6 млн евро ишлаб топади, чоракфиналга чиққан жамоа эса яна 6,5 млн, яримфинал - 7,5 миллион евро. Чемпионлар Лигаси ғолиби 15,5 млн евро, финалчи - 11 млн евро олади.
Чемпионлар Лигасига саралаш (плей-офф) босқичида ғалаба қозонган жамоаларга ҳам пуллар берилади. 1-раунддан ўтганлар - 220 минг евро, 320 минг евро - 2 босқичдан ўтган жамоалар, 3-босқичдан ўтган клублар эса 420 минг евро олади. Умумий ҳисобда чемпионлар Лигаси иштирокчиларига 1,3 млрд пул ажратилган.

***

УЕФА ташкилоти Европа лигаси иштирокчиларини тақдирлаш тизимини эълон қилди. Унга кўра, мусобақада иштирок этувчи клублар жами 399,8 млн евро миқдорида мукофот пулига эга бўлади. Шундан 239,8 млн евро гуруҳ босқичи ва плей-оффда иштирок этувчи клубларга тақсимланади. 160 млн евро телебозорнинг салмоғидан келиб чиққан ҳолда бўлиб берилади. Яъни энг кўп телеаудиторияга эга клублар кўпроқ мукофот олади.

Мусобақа ғолиби бўлган жамоа телебозор улушидан ташқари 15,71 млн евро ишлаб олади.