Муносиб қайтиш
«Анжи» Россия чемпионати 7-турида «Рубин» меҳмони бўлиб, аянчли мағлубиятга учради. 6:0 ҳисобида тугаган ўйинда ҳамюртимиз Вадим Афонин Махачқалъа клуби таркибида тўлиқ вақт ҳаракатланди. Айни пайт «Анжи» ҳисобида атиги 3 очко бор.
«Тосно» - «СКА Хабаровск» учрашувида 0:0 ҳисоби қайд этилди. «Тосно» вакили Вагиз Галиулин мазкур баҳсда ҳам 90 дақиқа ўйнади.
«Локомотив» эса амалдаги чемпион - «Спартак» майдонидан ғалаба билан қайтди - 4:3. Биз учун эътиборга молик томони, терма жамоамиз ҳимоячиси Виталий Денисов ниҳоят, майдонга қайтди. Муҳими, у иккинчи бўлим бошида ўйинга қўшилиб, 0:2 ҳисоби якунда 4:3 бўлишига катта ҳисса қўшди. Июнь ойи бошида Германияда жарроҳлик столига ётган ҳамюртимиз учрашувдан сўнг хурсандлигини яширмади:
«Барчани мураккаб ўйиндаги ғалаба билан табриклайман. Ниҳоят, сафга қайтганимдан хурсандман ва умид қиламанки, энди ҳаммаси яхши давом этади. Бугун биз билан бирга бўлган барча-барчага раҳмат!»
Россия премьер-лигасидаги яна бир вакилимиз - Элдор Шомуродов «Ростов»нинг «Краснодар»га қарши ўйинида 77-дақиқадан кейин ҳаракатланди. Натижага келсак, ўз майдонларида ўйнашган ростовликлар 1 очко билан кифояланишди - 0:0.
Одилнинг йўқлиги билинди
«Шанхай СИПГ» Хитой супер-лигаси 23-турида «Гуижоу Чжичэн» майдонида терма жамоамиз сардори Одил Аҳмедовсиз ўйнаб, 1:2 ҳисобида енгилди. Ҳамюртимиз ҳаттоки, ўйин қайдномасига киритилмади. Мазкур натижадан сўнг «СИПГ» мусобақа жадвали 2-ўрнида қолди (45 очко).
Шунингдек, «Чанчуй Ятаи» сафидаги Анзур Исмоилов ҳам бу турда майдонга тушмади. Унинг жамоаси эса ўз майдонида «Тянжин Куанжин» билан очколарни бўлишиб олди - 1:1.
Егор Кримец эса «Пекин Гуоан»нинг «Хэбэй Форчун»га қарши сафардаги омадсиз ўйини (0:2)ни доимгидек томошабин сифатида кузатди.
Мусаевда амалиёт яхши
Япониядаги ягона легионеримиз Фозил Мусаевнинг «Жубило Ивата»да муҳим футболчига айланиб улгурганидан хабардорсиз, албатта. Терма жамоамизнинг навбатдаги йиғинига чақирилган ярим ҳимоячи юртимизга келишдан олдин клубининг «Серезо Осака»га қарши ўйини (1:1)да ҳам тўлиқ 90 дақиқа фаол тўп сурди.
Қозоғистондан чақирилган Александр Гейнрих («Ордабаси») аксинча, худди Шавкат Саломов («Атирау») каби ўтган ҳафта майдонга тушмади.
Манба: www.iff.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20