Мадриднинг “Реал” клуби ҳужумчиси Криштиану Роналду “Барселона”га қарши учрашув (3:1) да қизил карточка олганидан сўнг ўзини тутиб тура олмай, бош ҳакамни туртиб кетгани учун бешта ўйинга дисквалификация қилинганди.

Футболчининг синглиси Катя Авейру ижтимоий саҳифасида Роналдуни янада кучли бўлишга чақирди.

“Сени йўқ қилишлари учун улар самодан худони туширишлари керак бўлади. Аммо бу ишни ҳеч ким уддалай ололмайди ва шу сабабдан улар бир чеккада писиб кутишда давом этишсин.

Четлатишдан сўнг сен бутун дунё аҳли шу кунгача учратмаган катта кучга эга бўласан. Душманларининг сени бўларинг, бор кучинг шу деб ўйлашмоқда, аммо улар адашишганини билишмаяпти.

Ҳеч ким худо панохидаги инсонларга зарар етказа олмайди. Адолат – албатта қарор топади”, - дея пост қолдирди Роналдунинг синглиси инстаграмдаги саҳифасига.

Беш ўйинга четлатилган португалиялик футболчи Испания Суперкубогининг “Барселона”га қарши жавоб учрашуви  (2:0) ва Испания  чемпионатининг 1-туридан ўрин олган “Депортиво”га қарши учрашуви (3:0) ни ўтказиб юборди.

Бундан ташқари Роналду “Валенсия”, “Леванте” ва “Реал Сосьедад” жамоаларига қарши учрашувларда “Реал”га ёрдам бера олмайди.

Шунингдек, Роналду бугун бўлиб ўтган “Сантьяго Бернабеу” кубогида майдонга тушиб, 90 дақиқа ҳаракат қилди ва “Реал”нинг ғалаба голи муаллифига айланди.

Акмалхон Эшонхонов