Вақтнинг ўтишини қаранг ...

Шу ҳафтанинг пайшанба кунида Ўзбекистон миллий терма жамоаси Ухань шаҳрида Хитой термасига қарши ЖЧ-2018 саралаш учрашувини ўтказади.

Ўйиннинг қадри в аҳамияти ҳаммамизга маълум. Энди очко йўқотиш кетмайди.

Бу нарсани барча гуруҳимиз аъзолари яхши билиб туришибди ва улар сўнгги икки ўйинда максимал очко жамғаришни ният қилишган.

Биз Хитой матбуоти билан қизиқдик. 31 август кунги ўйин атрофини ўргандик. 

Маълум бўлишича, мамлакатда чоп этиладиган бир қатор нашрлар ушбу ўйинга у ёки бу кўринишда тўхталиб ўтган. Уларнинг аксариятида, масалан China Daily, Shanghai Star, South China Morning Post ва The China Post газеталарида Хитой термасининг ЖЧ-2018га чиқишига унчалик ишонишмаяпти. 

"Липпи шогирдлари Уханда бу сафар ғалаба қозонишлари шарт. Ўзбекистон билан ўйнаса бўлади. Гарчи, таркибда Аҳмедов, Жепаров, Гейнрих каби футболчилари бўлсада, термамиз 35 минг мухлис қаршисида ғалабани тантана қилиши мумкин.

Агар Хитой термаси қолган 2 ўйинни ҳам юта олса миллий федерация томонидан мукофотланади.

Ҳали назарий жиҳатдан имкон бор экан, сўнгги дақиқаларгача курашиш керак", - деган мазмунни уқиб олиш мумкин номлари юқорида келтирилган газеталарнинг "Спорт" рукни остидаги хабарларда.