Қайднома

Қидирув

Темурхўжа Абдухолиқов: Доимо ғолиблик нашидасини сурадиган жамоа йўқ

Темурхўжа Абдухолиқов: Доимо ғолиблик нашидасини сурадиган жамоа йўқ

  29.08.2017 03:36
  0
  575
Темурхўжа Абдухолиқов: Доимо ғолиблик нашидасини  сурадиган жамоа йўқ

Сардор Рашидов фаолиятини энди БААнинг «Ал-Жазира» клубида давом эттирса-да, барибир, Қатар Юлдузлар лигасига эътиборимиз сусаймайди. Негаки, миллий терма жамоамиз ҳужумчиси Темурхўжа Абдухолиқов яна «Ал-Сайлия» таркибида қоладиган бўлди.

Ҳали ушбу мамлакатда янги мавсумга старт берилгани йўқ. Аммо жамоалар айни пайтда 2017-2018 йилги чемпионатга жиддий ҳозирлик кўришмоқда. Ҳар қачонгидан ҳам. Сабабини ҳамюртимиз  билан уюштирилган суҳбат давомида билиб оласиз.

-Темурхўжа, клубингиз - «Ал-Сайлия» янги мавсум тадоригини бошлаб юбордими?

- Ҳа. «Ал-Сайлия» ҳам Юлдузлар лигасининг келаётган мавсумига ҳозирликка жиддий киришган. Жамоамиз июль ойининг 15-санасидан Дохада йиғилди.  Ярим ойдан ортиқроқ вақт мобайнида ўз қароргоҳимизда машғулотлар олиб бордик. Бу орқали жисмоний ҳолатимиз яхшиланди.

- Йиғин фақат Дохада олиб бориладими?

- Йўқ, асло. Қатарда мавсум бошланишига ҳали анча фурсат бор. Шу боис хорижга шошилганимиз йўқ. Албатта, мураббийлар штабининг режасида чет элда йиғин ташкиллаштириш бор. Улар бу йил Тунисда ўқув-машғулот йиғини ўтказишни маъқул топишди.

Ой сўнгига қадар ўша ерда шуғулланамиз. Африка мамлакатидаги машғулотлар доирасида бир қатор синов-назорат баҳсларида майдонга тушишни ҳам режалаштирганмиз.

- Қатар клублари ҳам ёзги трансфер бозорида анча фаол бўлишади.  «Ал-Сайлия» таркибни қай даражада кучайтирмоқчи?

- Айни пайтда жамоамиз сафига «янгилар» қўшилиши давом этмоқда.  Уларнинг аксарияти маҳаллий футболчилар. Табиийки, биргина кўрик билан улар ҳақида фикр билдириш қийин. Мураббийлар йиғинлар пайтида ўзларидан ижобий таассурот қолдирган футболчиларни, албатта, таркибда олиб қолишади.

- Жамоа олдига янги мавсумда қандай вазифа қўйилди?

- Янги мавсумдан умид ва мақсадларимиз улкан. Жамоамиз чемпионатда ҳам, кубок беллашувларида ҳам имкон қадар ҳар бир ўйинда ижобий натижа қайд этиш учун уринади. Ўйлашимча, бунинг учун потенциалимиз етарли.

- Ўзингиз-чи? Кўп нарса кутаётган бўлсангиз керак...

- Шундай. «Ал-Сайлия» билан яна 1 йил муддатга мўлжалланган шарт-номам бор. 2017-2018 йилги мавсумда имкон қадар яхши ўйин намойиш этиб, жамоа ишқибозлари ишончини оқламоқчиман. 

- Бу йил Юлдузлар лигасининг  ўзгача ўтиши тахмин қилинмоқда...

- Ҳа, шундай.  Чунончи,  икки етакчи жамоа - «Лаҳвия» ҳамда «Ал Жаиш» бирлаштирилди. Энди «Дуҳайл» жамоаси сифатида фаолият кўрсатади.  Нафақат қатарлик миллионлар ўйини ишқибозлари, балки Юлдузлар лигасида футболчилари тўп сурадиган мамлакатлар вакиллари ҳам янги мавсум стартини сабрсизлик ва катта қизиқиш билан кутишмоқда. Кўрамиз, янги чемпионат сиз-у бизга нималарни тақдим этар экан...

- Янги тузилган «Дуҳайл» клуби бошқа жамоаларни қийинчиликсиз мағлуб эта олади, деб ўйлайсизми?

- Доимо ғолиблик нашидасини  сурадиган жамоа йўқ.  Демакки, ҳар қандай клубни ҳам мағлуб этиш мумкин. Янги ташкил этилган «Дуҳайл» Юлдузлар лигасидаги энг кучли таркибга эгалиги рост.

Лекин ушбу жамоани ҳали мавсум бошланмасдан чемпион сифатида кўрсатиш ярамайди. Чунки унга бу йўлда қаршилик кўрсата оладиган жамоалар сони етарли. Шу сабабдан ҳам «Дуҳайл»нинг янги мавсумда осонликча чемпионликка эришишига ишонмайман.

- Ўзбекистон чемпионати учрашувларини ҳам кузатиб боряпсизми?

- Имкон қадар ҳаракат қиляпман. Аммо барча ўйинларни кўришнинг иложиси йўқ. Лекин олий лига ҳар йилгидан кўра қизиқарли тус олганига ишончим ортди. Буни турнир жадвали ҳам айтиб турибди. Назаримда,  «Локомотив» чемпионликни қўлга киритса керак.


Манба: www.interfutbol.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

МАВЗУГА ОИД БОШҚА ХАБАРЛАР

Оммабоп мақолалар

Хабарингиз борми

Чемпионатлар

Жамоа Ў О
1 Андижон 2 6
2 Зомин 2 6
3 Хоразм 1 3
4 НБУ-Осиё 2 3
5 Машъал-2 1 3
6 Насаф-2 1 3
7 Цементчи 1 3
8 Истиқлол 2 2
9 Хотира-79 2 2
10 Ёзёвон-Лочинлари 0 0
11 Норин 0 0
12 Орол 1 0
13 Сурхон 1 0
14 Уз-Донг-Жу 1 0
15 Янгиер 1 0
16 Нурафшон 1 0
17 Ғаллакор-Барса 1 0
18 Локомотив-БФК 2 0
тўлиқ маълумот »

Кун фотоси

ЕЛ, ЕЧЛ: жуфтликлар маълум

Хозирча сўровнома ўтказилмаяпти.

© "Interfutbol.UZ". © 2006-2017. Мобил версия
Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!
Барча ҳуқуқлар амалдаги қонунчиликка биноан ҳимояланган.