Худди биз каби хитойликлар ҳам бугун бўлиб ўтадиган Хитой - Ўзбекистон баҳсини интиқлик билан кутишмоқда. Хитой терма жамоаси ярим ҳимоячиси Ванг Ёнгпо (14-рақам) ФИФА расмий сайтига интервью бериб, бўлажак баҳс олдидан ўз фикрларини билдирди.
Шуни айтиш лозим, бу футболчини мухлислар «Хитойлик Руни» деб чақиришади. Чин юрти вакиллари ўз майдонида Жанубий Кореяни 1:0 ҳисобида мағлуб этганида айнан унинг тўп узатишидан сўнг Ю Дабао ягона голни урганди.
2015 йилдан бери терма жамоада ўйнаб келаётган «Хитойлик Руни» шундай дейди:
- Ўзбекистон термасини мағлуб этиш учун бор кучимизни ишга соламиз. Мақсад - фақат ғалаба. Ўйинни ютиб, ўз мухлисларимизга қувонч улашишни хоҳлаймиз.
Ўзбекистон - кучли рақиб, менга бу жамоа ёқади. Улар яхши шаклланган ва футболни ҳам яхши ўйнашади.
Ванг Ёнгпо бунгача «Шандонг Луненг» сафида тўп суриб келаётганди. Эндиликда у «Тьянжин» клуби аъзоси ҳисобланади. Уни янги жамоага шахсан бош мураббийи Фабио Каннаваро таклиф этган.
Яна бир қизиқ жиҳати, «Хитойлик Руни» 30 ёшида терма жамоага иккинчи бор Марчелло Липпи томонидан чақирув олди. У италиялик мутахассис қўл остида биринчи бор Жанубий Кореяга қарши майдонга тушиб, бу ўйинда хитойликлар 1:0 ҳисобида ғалаба қозонишди. Ванг Ёнгпо Липпига қуйидагича таъриф берди:
- У мураббий сифатида жуда кучли шахс. Бизга кўпроқ ҳужум қилиш ҳамда охиригача ўйнаш кераклигини айтади. Ҳимояга ётиб олсак унга ёқмайди.
Олдинлари биз биринчи голни уриб олгач, орқа чизиқда ўйнардик. Лекин Липпи яна ҳужумга ўтиш кераклигини айтмоқда. Тўғри, бизда имконият кам, лекин охиригача курашамиз. Буни мураббийимиз ҳам тинмай таъкидлаяпти.
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20