Қайднома

Қидирув

Энди Самвел Бабаян учун ҳам жавоб беришсин-да!

Энди Самвел Бабаян учун ҳам жавоб беришсин-да!

  06.09.2017 16:08
  0
  1101
Энди Самвел Бабаян учун ҳам жавоб беришсин-да!

Ўзбекистон-Корея 0:0! Ўйин ҳаками якунловчи ҳуштакни чалди, “мухлислар кўз ўнгида жаҳон чемпионатига тўғридан тўғри йўлланмани қўлга киритолмадик, учинчи ўринда қолдик” деб Одил Аҳмедов алам кўз ёшларини тўкди. Бир неча дақиқадан сўнг Сурия Эронга иккинчи голни уриб, Эрон-Сурия ўйинида ҳисобни 2:2 га етказди. Биз гуруҳда якуний тўртинчи поғонадамиз... Бу соатдан кейин Бабаян ҳақида гап гапиришнинг фойдаси йўқ. Ўлганнинг устига тепишга ўхшайди бу. Ўзбек футболида Самвел Бабаян “ўлди”, бу факт. Халқнинг миллатнинг бунча нафратига “сазовор” бўлиш ҳар кимга ҳам эмас... Аввалроқ Сурия мағлубиятидан кейин биринчи бўлиб бонг урдик, Бабаян кетиши керак бу жамоадан дея. Игор Шквиринни тезлик билан ишни ўз қўлига ола оладиган мураббий деб,мутасаддиларимизга тавсияда ҳам бўлдик. Тренернинг уруғи қуриган бўлса ҳам Бабаянни терма жамоадан узоқлаштириш керак! деб жон куйдирдик. Хитойдан кейин Пичоқ суякка келди: Жанубий Корея ўйинида Бабаяндан кечмаса бўлмайди! деб яна ҳайқирдик.. Энди Бабаян масаласи қолмади.. Ўзбекистон терма жамоаси жаҳон чемпионатидан мосуво бўлди. Ўзбекистондаги миллионлаб мухлисларнинг умидлари чилпарчин бўлди. Ўнлаб истеъдодли йигитларимиз жаҳон чемпионатида қатнашиш шарафига муяссар бўла олмасдан футболни тарк этишади... Агар Ўзбекистон терма жамоаси жаҳон чемпионатига йўлланмани қўлга киритганда жамиятда воқеъ бўладиган ижобий энергия ва миллатнинг бирлашувини ўн йиллаб маънавий тадбирлар ўтказиб яратиб бўлмайди. Ўзбекистонда ишчи-хизматчиларнинг фойдали иш коэффициенти ўсиш даражасини тахмин қилиш ҳам қийин бўларди. Бу нуқтаи назардан мағлубиятга тенг бўлган дуранг Ўзбекистонга миллиардлаб зарар берганини ҳам кўриш мумкин. Жавобгар Бабаянми?? Йўқ! Бабаян учун жавобгар бўлганлар энди жавоб берсин!   Дилмурод Жумабоев


Манба: vodiymedia.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

МАВЗУГА ОИД БОШҚА ХАБАРЛАР

Оммабоп мақолалар

Термамиз етакчилари қандай фикрда?

Хабарингиз борми

Чемпионатлар

Жамоа Ў О
тўлиқ маълумот »

Кун фотоси

  • Сизнингча, Олий лига-2017 ни қайси жамоалар тарк этади?


© "Interfutbol.UZ". © 2006-2017. Мобил версия
Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!
Барча ҳуқуқлар амалдаги қонунчиликка биноан ҳимояланган.