Москванинг «Динамо» клубида фаолият олиб бораётган Павел Погребняк узоқ танаффусдан сўнг майдонга тушди. У Россия термаси билан бўлган ўйиннинг иккинчи бўлимида ҳаракат қилди.
Миллий жамоанинг 3:0 ҳисобидаги ғалабаси билан якунланган баҳсдан сўнг Погребняк Championat.сом сайтига интервью берди.
— Терма жамоа «Динамо»га қарши ўйнашини билганингиздан сўнг нима ҳақида ўйладингиз?
— Ажабланмадим, хотиржам қабул қилдим. Кучсиз бўлса ҳам терма жамоага қарши ўйнаш қизиқарли. Биринчи ўринда ўзимга эътибор бердим. Ахир бир ярим йилдан буён майдонга тушмасдим. Катта ўйинларга тайёрлигимни билиш қизиқ эди.
— Сиз кутгандек бўлдими?
— Бу мен учун жуда фойдали учрашув бўлди. Мураббийнинг ўйин амалиётини тақдим этганидан қувондим. Умуман олганда, жисмоний ҳолатим ҳали юқори даражага чиқмаган. Терма жамоамиз ҳаққоний равишда ғалаба қозонди.
— Ўйнашда давом этасизми?
— Фаолиятимни тўхтатмоқчи эмасман. Бир умр курашдим ва яна меҳнат қилишда давом этаман.
— Россия терма жамоасида кимга эътибор бердингиз?
— Заболотний яхши ўйнади. Ҳамма вақт эътиборини рақиб дарвозаси томон қаратди. Якунда эса гол урди. Юқоридаги курашларнинг деярли барчасида ғалаба қозонди. Шунингдек, Миранчук ва Тарасовлар ҳам илиқ таассурот қолдиришди.
— Панченко терма жамоа ихтиёрига кетаётганда нималар дедингиз?
— Ҳеч нима. Бунинг ҳожати ҳам йўқ эди. Кирилл учун имконият туғилди ва унинг ўзи ҳаммасини яхши тушуниб турибди. Интервьюсида «Гол урсам хурсанд бўламан», деб тўғри айтди.
— Фанатлар Панченкодан Лунёв дарвозасига гол уришини сўрашди...
— Ўйлайманки, Кирилл «Динамо» дарвозасини ишғол қилганидан кейин ҳам мухлислар хурсанд бўлишди. Улар Панченкони яхши кўришади, у эса етакчи эканлигини шу ўйини билан исботлади.
— Тарасовнинг терма жамоа сардори бўлганига муносабатингиз қандай?
— Менимча, тўғри қарор. Яна ким бор? Миранчук? Унга ҳали эрта.
— Миллий жамоага қарши ўйинда аввалги дамларни қўмсадингизми?
— Мени яна термага чақиришлари учун кўп меҳнат қилишимга тўғри келади. Ҳозирча бу актуал савол эмас. Лекин футбол ўйнарканман, миллий жамоадан чақирув олишга ҳаракат қилавераман.
А.ЭШОНХОНОВ тайёрлади
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20