Қайднома

Қидирув

Илҳом Мўминжонов: «Иродали дуранг учун йигитларга раҳмат»

Илҳом Мўминжонов: «Иродали дуранг учун йигитларга раҳмат»

  21.09.2017 21:23
  0
  201
Илҳом Мўминжонов: «Иродали дуранг учун йигитларга раҳмат»

“Шўртан” – “Навбаҳор” жамоалари ўртасидаги учрашув якунига етгач меҳмон жамоа мураббийи ўз фикрлари билан ўртоқлашди.

Дастлаб, журналистларнинг саволларига “Навбаҳор” бош мураббийи Илҳом Мўминжонов жавоб берди: 

- Ўзинглар кўрганинглардек ўйин қизиқарли бўлди. Иродали дуранг қайд этганликлари учун футболчиларимизга раҳмат айтаман. Йигитлар икки тўп фарқи билан ортда қолаётган бир пайтда руҳий томондан тушкунликка тушмасдан охиригача курашишди.

Бугун ҳимоядаги қўпол хатолар туфайли ўз дарвозамиздан учта тўп олиб чиқишга мажбур бўлдик. Ҳимоядаги хатоларни бартараф этиш устида ишлаймиз.

Учрашувда ғалаба қозонишимиз ҳам мумкин эди. Шунга қарамай сафардаги дуранг ёмон натижа эмас.

Фурсатдан фойдаланиб, Намангандан жамоамизни бевосита ўйингоҳда қўллаш учун етиб келган мухлисларимизга ўз миннатдорчилигимни билдириб ўтаман. Улар 1:3 ҳисобида имкониятни бой бераётган пайтимизда ҳам жамоага далда бўлиб туришди.

Учрашув сўнггида юзага келган вазият хусусида бир нима дея олмайман. Негаки, майдонда футболчилар ҳаракат қилишади. Улар ўша ҳолатда ҳакамнинг хуштаги чалинмаганлиги сабабли ўйинни давом эттириб гол уришди. Бу борада футболчиларнинг ўзларидан сўраб билиб олишингиз мумкин.

Ўйин пайтида ҳар бир мураббийда ҳиссиётлар кузатилади. Айнан шундан келиб чиққан ҳолда баҳс охирларида рақиб жамоа мураббийи билан бироз тортишиб кетдик.

Охир-оқибат, ҳамкасбимиз билан келишиб олдик. Ўша вазият учун ҳамкасбимдан узр сўрайман. Ҳис-ҳаёжонлар жунбушга келганлиги сабабли футболда шундай ҳолатлар ҳам рўй бериб туради.

Жамоамиз ўз олдига қўйилган мақсад йўлида интилмоқда. Жорий йилги чемпионатда 2016 йилгидан кўра яхшироқ натижа қайд этиш ва мавсумни имкон қадар юқори ўринларда якунлашга ҳаракат қиламиз.

Биринчи даврада кўплаб очколарни бой бермаганимизда “Навбаҳор” жамоасини чемпионатни муносиб тарзда ўтказиш учун барча шарт-шароитларни яратиб бераётган Наманган вилояти ҳокимига алоҳида миннатдорчилик билдириб ўтаман.  

Ёшларимиз биринчи даврани муносиб тарзда ўтказа олишмаганди. Таркиб йил бошида шакллантирилганлиги сабабли ёшларимиз мураббийи Шуҳрат Қорабоев натижаларни ижобий кўриниш олиши учун вақт беринглар деб сўраганди. Давралар оралиғида таркибни анча ёшартириб, кўпроқ уларга имконият берилмоқда.

Бу ҳол ўз самарасини бериб, натижалар ҳам ижобий кўриниш олмоқда. Биласизки, футболда натижа ўз-ўзидан келмайди.

Футболчилар майдонда яхши ўйнаётганликлари сабабли ютуқлар қўлга киритилмоқда. Ёшларимиз иштирокни шу зайлда давом эттиришса асосий таркибга муносиб футболчилар етишиб чиқади.

Ёшларимиз иштирокидаги ўйинларни жамоамиз мураббийлари мунтазам равишда кузатишмоқда. Келгусида “Навбаҳор” ўз тарбияланувчилари билан ҳам фахрланади деган умиддаман. Қолаверса, клуб қошида ташкил этилган академия ҳам иш бошлайди.

Бу ҳам иқтидорли ёшларни тарбиялашда бизга асқотади. Бир сўз билан айтганда орзу ва ниятларимиз улкан. Вилоят раҳбарларига клубни ривожлантириш борасидаги уч йиллик дастурини тақдим этганмиз. Ҳозирда режаларимизни амалга ошириш устида иш олиб борамиз.


Манба: www.pfcnavbahor.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

МАВЗУГА ОИД БОШҚА ХАБАРЛАР

Оммабоп мақолалар

Хабарингиз борми

Чемпионатлар

Жамоа Ў О
1 Андижон 2 6
2 Зомин 2 6
3 Хоразм 1 3
4 НБУ-Осиё 2 3
5 Машъал-2 1 3
6 Насаф-2 1 3
7 Цементчи 1 3
8 Истиқлол 2 2
9 Хотира-79 2 2
10 Ёзёвон-Лочинлари 0 0
11 Норин 0 0
12 Орол 1 0
13 Сурхон 1 0
14 Уз-Донг-Жу 1 0
15 Янгиер 1 0
16 Нурафшон 1 0
17 Ғаллакор-Барса 1 0
18 Локомотив-БФК 2 0
тўлиқ маълумот »

Кун фотоси

ЕЛ, ЕЧЛ: жуфтликлар маълум

Хозирча сўровнома ўтказилмаяпти.

© "Interfutbol.UZ". © 2006-2017. Мобил версия
Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!
Барча ҳуқуқлар амалдаги қонунчиликка биноан ҳимояланган.