Аввалроқ, Ўзбекистон Олий Лигасининг 23-туридан ўрин олган “Навбаҳор”–“Пахтакор” учрашуви 2:0 ҳисобида мезбонларнинг фойдасига ҳал бўлгани ва учрашувдан сўнг ўтказилган матбуот анжуманида Interfutbol.uz журналисти иштирок этгани ҳақида хабар бергандик.
Буни қарангки, журналистимиз ўйиндан сўнг ташкил этилган матбуот анжуманидан умуман бошқача таасуротлар уйғонгани ҳақида хабар бермоқда.
Гап шундаки, матбуот анжуманининг биринчи қисмида “Пахтакор” жамоасининг грузиялик мураббийи Шота Арвеладзе қатнашди ва анжуманда журналистлардан ташқари бир қатор “Навбаҳор” мухлислари ҳам иштирок этишди.
Эътиборлиси, журналистларнинг саволларига қисқача жавоб берган Арвеладзе наманганлик мухлисларнинг “Пахтакор” клубининг “Навбаҳор”га қарши ўтказган олдинги учрашувларидаги ўйинлари ҳалол йўл билан ғалаба қозонилмагани, гоҳида федерация, гоҳида ҳакамлар тошкентлик спортчиларга ёрдам беришгани ҳақидаги ғализ саволларига жавоб беришга ҳам мажбур бўлган.
Дастлабки провакацион савол муаллифи журналист бўлмаган ва унинг ёнида касбини тасдиқловчи гувоҳномаси ҳам бўлмаган. Аниқроғи, савол муаллифи катта эҳтимол билан оддий бир мухлис эди.
Арвеладзе унинг саволига жавоб бера олмаслиги ва олдинги ўйинлар пайтида Ўзбекистонда ишламаганини ва “Пахтакор”–“Навбаҳор” учрашувлари қандай муҳитда ўтганидан хабардор эмаслигини айтиб ўтади.
Аммо баъзи савол-жавоблардан кейин бошқа бир журналист аккредитациясига эга бўлмаган номаълум шахс матбуот анжумани ўтаётган залга кириб келиб, Арвеладзега “Пахтакор” жамоасининг шу пайтгача “Навбаҳор”ни ҳалол йўл билан ютмагани мазмунидаги саволни яна қайтариб беради.
Кейин биринчи саволни берган мухлис буни тасдиқлаш мақсадида унинг саволига қарсак чалади. Бу ҳолат эса табиийки, Шота Арвеладзенинг жаҳлини чиқаради ҳамда савол муаллифларига “Вы на меня наезжаете” каби эътирозни билдириб ўтади.
Бу ҳолатда “Пахтакор” клуби Матбуот хизмати вакили Бекзод Назаров вазиятга аралашиб, мухлислардан бу каби провакацион саволларни матбуот анжуманида бермасликларини сўрайди.
Нотўғри саволни беришга бериб қўйган мухлис “Пахтакор” матбуот хизмати ходимига эътироз билдириб, ундан овозини ўчиришни сўрайди, бундан жаҳли чиққан Бекзод Назаров бу вақтда мухлислар билан оғзаки айтишувга киришиб кетади.
Назаров, шунингдек, наманганлик мухлисларга “Навбаҳор” ўз вақтида “Пахтакор”га қарши учрашувларнинг бирида нотўғри пенальти тепганини эслатиб ўтади
Натижада ҳар иккала томон ҳам даҳанаки айтишувга киришиб кетиб, бир-бирига сўкиниш оҳангидаги ҳақоратли сўзларни айтишдан толмайдилар...
Вазият янада оғирлашиб, жанжалга яқинлашади бу вақтда матбуот анжуманидаги иштирокчилар ҳар икки томонни ажратишга ҳаракат қилишади.
Шота Арвеладзе жанжал келиб чиққунига қадар матбуот анжумани ўтказилган зални тарк этишга улгуриб бўлганди. Кейин воқеа гувоҳлари ёрдамида Бекзод Назаров ҳам залдан олиб чиқиб кетилади.
Қизиққон мухлис хатто ундан тинчланишни сўраган шеригига ҳам ташланади. Одамлар қаршилигини енгиб ўтиб келган мухлис, анжуманга бирга келган дўстининг қорнига оёқ билан зарба беришдан ҳам қўрқимайди ва унинг манзилига бир мунча ҳақоратли сўзларни йўллайди.
Маълумот учун, ушбу учрашувда ПФЛ вакили сифатида Алексей Фролов иштирок этганди. Кейинчалик ПФЛ ташкилоти "Навбаҳор" жамоасига нисбатан интизомий чоралар қўллади. Шунингдек, "Навбаҳор" ПФК матбуот котиби Шавкат Содиқов ва хавфсизлик бўйича офицер Раҳмонов Баҳодирнинг эгаллаб турган лавозими кўриб чиқилиши кераклиги ҳақида қарор чиқарилди.
Эслатиб ўтамиз, аввалроқ “Шўртан”–“Навбаҳор” учрашуви (3:3) ни бошқарган ҳакам Олим Толибжоновнинг ишини “қониқарсиз” дея баҳоланиб, ЎФФ томонидан 10 та ўйинга четлатилганди.
Азиз футбол мухлислари, унутманг, спортга, хусусан футболга мухлислик қилишнинг ҳам ўз қонун-қоидалари, меъёрлари бор...
Спорт мусобақаларида юзага келган ҳар қандай ҳолат босиқлик билан муносабат билдириш билан кифояланиши лозим.
Акс ҳолда миллионлар ўйини — бир нечта “жанжалпарастлар” учун қўл келиши, ўзбекистонлик мухлислару спортчиларга нисбатан нотўғри муносабатда бўлиш каби оқибатларга олиб келиши мумкин.
Спорт — бу соғлом тан ва соғлом ақл етуклиги!
Акмалхон Эшонхонов
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20