Қадрли футбол ишқибозлари «ИнтерФУТБОЛ» газетасининг бугунги 80-сонида бир-биридан қизиқарли мақолаларни мутоала қилишингиз мумкин. Эсклюзив материаллар, таҳлил ва суҳбатлар  ҳам сизни бефарқ қолдирмайди деган умиддамиз.

Демак, газетамизнинг эртанги сонида нималарни ўқиш мумкин?

- Ярим финал: ким ютади?

Шу ҳафта охирида мавсумдаги энг муҳим ўйинлардан яна иккитасини томоша қиламиз - Ўзбекистон кубоги ярим финали жавоб ўйинида Самарқанднинг «Динамо» клуби ўз майдонида «Бунёдкор»ни қабул қилади. Қаршида эса «Насаф» - «Локомотив» тўқнашувининг иккинчи қисми бўлиб ўтиши лозим. Хўш, мазкур учрашувларда қандай натижалар қайд этилади?

- Сервер Жепаров - ОФК эътирофида

Ўзбекистон миллий терма жамоаси ярим ҳимоячиси, Осиёнинг икки карра энг яхши футболчиси Сервер Жепаров 3 октябрь куни 35 ёшини қарши олди. Осиё Футбол Конфедерацияси (ОФК) матбуот хизмати футболчини туғилган куни билан табриклади ва «Осиё намояндалари» рукни остида унинг фаолиятига назар ташлади.

- 23-тур рамзий терма жамоаси

Олий лиганинг навбатдаги турида «Пахтакор»нинг Намангандан очкосиз қайтиши «Локомотив», «Насаф» ва «Бунёдкор» учун айни муддао бўлди. Пешқадам бироз енгил тин олди, қолганлар эса ЕЧЛ йўлланмаси йўлида янада фаоллашдилар. «ИнтерФутбол» анъанага мувофиқ, 23-турда қаҳрамонлик кўрсатганлардан иборат рамзий терма тузди.

- Элфи ФЕРНШИЛД: «Мактабимиз мураббилари болаларни севишади»

Европа футболи ҳар доим илғор бўлиб келган. Қитъанинг энг олди футбол мактаблари эса Германияда фаолият юритади. Олмон ўлкасида бажарилган ишлар кўлами охирги жаҳон чемпионатидаги ғалаба билан ўлчанади. Бугунги кунда немис футбол мактаби қай даражада нуфузли эканини бутун дунё тан олиб бўлган. Яқинда Тошкентда ҳам немис футболи андозаларига мос иш олиб борадиган JFL in Tashkent мактаби иш бошлади. Ушбу таълим маскани Германиядаги JFL in Schlotheim ўқув маркази филиали ҳисобланади.

Биз айнан шу марказ раҳбари Элфи Ферншилд хоним билан суҳбатлашиб, JFL футбол мактаби тизими ва ўзбек футболи ҳақидаги саволларимизга жавоб олдик.

- Ғалабали серия сурури

«ИнтерФУТБОЛ» газетасининг сентябрь ойи лауреатлари ҳақида

- Фаолиятни янги босқчи

Маданият ва спорт соҳасидаги бошқарув тизимини такомиллаштириш, мазкур соҳада Ўзбекистон халқининг бой ва ўзига хос маданияти, санъати ва ижодиётини янада ривожлантиришни таъминлашга йўналтирилган давлат сиёсатини амалга ошириш самарадорлигини тубдан юксалтириш, аҳоли кенг қатламлари орасида маънавий-ахлоқий камолот ва соғлом турмуш тарзига интилишни кучайтириш мақсадида Ўзбекистон Республикаси Президентининг 2017 йил 15 февралдаги «Маданият ва спорт соҳасида бошқарув тизимини янада такомиллаштириш тўғрисида»ги ПФ-4956-сон Фармони қабул қилинди...

- Рўйхатдан ўтмасангиз…

Ўзбекистон футбол федерацияси ва Ўзбекистон профессионал футбол лигаси томонидан ўтган ҳафтада жуда маъқул бир ишга қўл урилди...

- Ҳувиллаган «Камп-Ноу»

«УИК-ЭНД»НИНГ МУҲИМ ВОҚЕАЛАРИ

- Хосеп Мария Бартомеу: «Каталонлар овоз беришга ҳақлилар»

1 октябрь куни Испания­нинг автоном вилояти ҳисобланган Каталонияда референдум ўтказилди. Ҳукумат тан олмаган мазкур референдум натижаларига кўра, провинциянинг 90 фоиз аҳолиси мустақил бўлиш учун овоз берди...

- Жеррардга ўринбосар

ЁХУД «ЛИВЕРПУЛЬ» 48 МЛН.ГА КИМНИ СОТИБ ОЛДИ?

- Уч терма сафида учта мундиал

Натижалар турлича бўлади: ижобий ёки салбий, муносиб ёки ҳаминқадар, муҳим ёки арзимас. Гап футбол ҳақида кетганда эса, энг аввало, профессионал даражада эришилган муваффақиятлар ҳисобга олинади: «Энг яхши ўйинчи», «Энг яхши жамоа» каби...

- Рўёбга чиққан орзу

Football.ua «россонери»нинг ёш ҳужумчиси Патрик Кутроненинг ҳаёт йўлига назар ташлайди.

- Бугуннинг эртаси

«Женоа»нинг 16 ёшли форварди Пьетро Пеллегри «Лацио»га қарши кечган баҳсда «дубль» қайд этиб, учрашув қаҳрамонларидан бирига айланди. Ушбу воқеадан руҳланган Soccer.ru ижодкорлари ҳали ўсмир бўлишига қарамай, катталар футболига киришга улгурган, келажакда катта натижаларни қўлга киритиши мумкин бўлган футболчилар номига мурожаат этишди. Мазкур рўйхатдан кимлар ўрин олганини билишни хоҳлайсизми?

- Фрэнк Лэмпард: «Террига дарвозада туриш янгилик бўлмаган»

«Челси»нинг собиқ ўйинчиси Фрэнк Лэмпард клубнинг афсоналаридан бири ҳисобланади. Яқинда у англиялик журналистлар билан бўлган суҳбатда «аристократлар» сафидаги жамоадошлари ҳақида гапириб берди.

-« Клоппнинг «эгизаги»

2015 йили «Хаддерсфилд» спорт директори лавозимига тайинланган Стюарт Уэббер клубдаги «пиллапоя»ни тўлиқ янгилаш лозимлигини тушунди...

- Ўнг қанотга «Янги мотор»

«Барселона»нинг Нельсон Семедуни харид қилиши «Арсенал» мухлислари томонидан мамнуният билан қарши олинганди. Зеро улар Бельериннинг Лондондан Каталонияга кўчиб ўтиши мумкинлигидан хавотирда эдилар. Ҳозирга келиб эса «Барса» мухлисларини муҳим бир савол қийнай бошлади: «Семеду Бельерин ва Сидибедан кўра маҳоратлироқми?

Ҳамиша бирга бўлайлик, азизлар!!!