Бундан 13 йил илгани яъни 2004 йил Англия Премьер-Лигаси доирасида “Манчестер Юнайтед” ва “Арсенал” жамоалари ўртасидаги ўйин (2:0) дан сўнг, стадион йўлагида кичик жанжал рўй берганди.
Ўша вақт кимдир “қизил иблислар” устози сер Алекс Фергюсоннинг юзига пицца отиб юборган. Воқеа содир бўлганига 13 йил ўтди, лекин шу кунгача Алекс Фергюсон каби буюк мураббий юзига отилган пицца эгаси кимлиги аниқланмай келаётганди.
2013 йил “Арсенал” клуби шарафини ҳимоя қилган Сеск Фабрегас пиццани Фергюсон томон атайлаб улоқтирмаганини айтиб, ўз айбига иқрор бўлди.
“Бўлиб ўтган воқеага энди нуқта қўйиш керак. Пиццани отганимни тан оламан. Кийиниш хонасида пицца еб тургандим, бирдан ташқаридан келаётган шовқин-суронни эшитиб қолдим.
Чиқиб қарасам, Сол Кемпбелл, Рио Фердинанд ва Мартин Киоун жанжаллашиб туришганди. Нима қилишни билмай, уларга қарата қўлимдаги пиццани отдим.
Пицца эса тўсатдан “Манчестер Юнайтед” бош мураббийи Алекс Фергюсонга тегди. Мени тўғри тушунинглар пиццани Фергюсон томон атайлаб отмагандим. Сер Алексдандан узр сўрайман”, – дейди Фабрегас собиқ жамоадоши Мартин Киоунга берган интервьюсида.
Маълумот учун, сер Алекс Фергюсон бутун дунёда энг машҳур мураббийлардан бири бўлиб, у 1986 йилдан 2013 йилга қадар “Манчестер Юнайтед” мураббийи сифатида бошқариб келган.
Алекс Фергюсонга Англиядаги 27 йиллик фаолияти давомида хатто ҳакамлар ёки бошқа футболчилар қаттиқ гапиришга ботина олишмаган, лекин Сеск Фабрегас унинг юзига тўсатдан пицца отиб юборганини яшириб юрганди. Бироқ мана орадан узоқ йиллар ўтсада у ўз айбини тан олишга мажбур бўлди ва Фергюсондан узр сўради.
Манба: www.eurosport.ru
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20