Қайднома

Қидирув

Никола Валентич Қўқонни қумсамоқда...

Никола Валентич Қўқонни қумсамоқда...

  07.10.2017 08:27
  0
  190
Никола Валентич Қўқонни қумсамоқда...

Ўтган мавсумда “Қўқон-1912” жамоасида ўйнаган сербиялик ҳимоячи Никола Валентич бу йилги мавсум арафасида тиббий-кўрикдан ўта олмагач, ортга қайтиб кетганидан хабарингиз бор. Яқинда Никола билан ижтимоий тармоқ орқали қисқача суҳбатда бўлдик. 

- Салом, Никола айни дамда нималар билан бандсиз?
- Салом, айни дамда ҳеч қайси жамоада ўйнамаяпман. Ҳозир оилам даврасидаман 

- Ўтган мавсумда “Қўқон-1912” жамоаси тўп сургандингиз. Айтиш жоизки, қисқа фурсат ичида қўқонлик мухлисларнинг меҳрини қозондингиз. Собиқ жамоангиз ўйинларни кузатиб боряпсизми?
- Албатта. “Қўқон-1912”нинг ўйини кузатиб боришга ҳаракат қиламан. Айтишим жоизки, “Қўқон-1912” клубининг ишқибозига айландим. Қўқонликлар мавсумни юқори даражада бошлашганди. Бундан жуда хурсанд бўлдим. Лекин иккинчи даврада нимагадир натижалар пасайди. Ўйлайманки, мавсумнинг қолган ўйинларида қўқонликлар муваффақиятли иштирок этишади. 

- Айни дамда Қўқонда икки нафар ҳамюртингиз – Дарко Гожкович ва Филип Райевацлар тўп суришмоқда. Улар билан гаплашиб турасизми?
- Дарко билан ҳам, Филип билан ҳам тез-тез қўнғироқлашиб турамиз. Дарко жамоа бу йил анча кучайганини тўлқинланиб гапиради. Филип ҳам “Қўқон-1912” клуби анча шаклланиб қолганини таъкидлайди. Ҳар икки юртдошим ҳам Қўқонда бахтли эканлиги кўриниб турибди. 

- Ўтган мавсумда “Қўқон-1912”даги ўйинларингиз орқали ўзбекистонлик мухлис ва мутахассисларда яхши таассурот қолдирган эдингиз. Сизга Ўзбекистон клубиларидан яна таклиф бўлса, бунга қандай жавоб берган бўлардингиз?
- Очиғини айтиш керак, юртингиз менга жуда ёқди. Шу боис таклиф бўлса уни рад эта олмасам керак. Бундан ташқари, мамлакатингизда кўплаб ватандошларим тўп суришади. 

- Қўқонлик футбол мухлисларини соғиниб қолган бўлсангиз керак.
-  Бўлмасам-чи, Қўқонда футболни жуда яхши кўришади. Ҳатто машғулотлар жараёнини томоша қилгани стадионга кўплаб мухлисларнинг келишади. Бундай ҳолат ҳамма жойда ҳам кузатилавермайди. Қўқонлик футбол мухлисларидек фидоий ишқибозлар ҳар доим ҳам топилавермайди.  Улар билан фақат фахрланиш мумкин. 

Аброр Деҳқонов суҳбатлашди


Манба: kokand1912.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

МАВЗУГА ОИД БОШҚА ХАБАРЛАР

Оммабоп мақолалар

Термамиз етакчилари қандай фикрда?

Хабарингиз борми

Чемпионатлар

Жамоа Ў О
тўлиқ маълумот »

Кун фотоси

  • Сизнингча, Олий лига-2017 ни қайси жамоалар тарк этади?


© "Interfutbol.UZ". © 2006-2017. Мобил версия
Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!
Барча ҳуқуқлар амалдаги қонунчиликка биноан ҳимояланган.