Матбуот анжуманининг иккинчи қисмида жамоамиз устози Рўзиқул Бердиев ўйин ҳақида қуйидаги фикрларни билдирди.

-Гувоҳи бўлдиларингиз ўйин бизнинг устунлигимизда ўтди. Фақат мақсадимизга эришиш учун битта гол етишмади. Йигитлар финалга чиқишни жуда ҳам исташган эди ва бугун борини бериб ўйнашди. Натижа биз учун қониқарсиз бўлсада, футболчиларимиз ўйинидан қониқиш ҳосил қилдим.

Бугун етарлича вазиятларни ярата олдик. Фақат шу биринчи бўлимдаги вазиятларда гол кирита олганимизда, ўйин бошқача бўлиши ҳам мумкин эди.

Ўзбекистон кубоги ғолиблиги ҳам ОЧЛга тўғридан-тўғри бўлмасада, саралаш ўйинларида иштирок этиши ҳуқуқини берар эди. Шу боис, ҳам футболчилар борини бериб ўйнашди. Лекин биз биламиз, чемпионатда иккинчи ўринни қўлга киритган жамоада ҳам шундай имконият бўлади. Энди шундан фойдаланишга ҳаракат қиламиз.

“Локомотив” бугун 5 та ҳимоячи билан ўйнади. Шу боис, биз ўз тактикамизни ўйин бошидан ўзгартирдик, яъни 4-4-2 тактик схемасига ўтдик. Чунки 5та ҳимоячи билан ўйнайдиган жамоага 2 та ҳужумчи тушурмасак, имкониятлар бўлмайди. Йигитларга рақибга нисбатан кўпроқ босим ўтказишга кўрсатма бердик. Албатта, бундай пайтда  футболчилар учун кўпроқ югуриш талаб этилади ва ўз-ўзидан бу орқали уларда жисмоний толиқиш ҳам бўлади. Шунинг учун иккинчи бўлим охирларида бироз ўйинимиз сустлашди.