Испания Ла-лигаси 8-туридан ўрин олган марказий - «Атлетико» ҳамда «Барселона» ўртасидаги баҳс ўз поёнига етди.

Шиддатли тарзда кечган ўйин 1:1 ҳисобидаги дуранг билан якунланди.

21 дақиқада Сауль олдида юзага келган кичик бўшлиқдан фойдаланиб, ажойиб зарбаси эвазига ҳисобни очди.

Шундан сўнг «Барселона» анча ўзига келиб олди. Аммо тўп назоратида катта устунлик қилган бўлсада ҳисобни тенглаштириш ҳа деганда насиб қилавермади.

Иккинчи бўлим ҳам деярли биринчиси каби сценари асосида кечди ва 82 дақиқага келибгина каталонияликлар мувозанатни тиклашди.

Серхи Роберто томонидан етказиб берилган тўпга Суарес боши билан мукаммал зарба бериб, ўйиннинг дуранг натижада тугашига замин яратди.

ИСПАНИЯ ЧЕМПИОНАТИ. 8-ТУР.

«Атлетико» - «Барселона» 1:1 (1:0)

Голлар: Саул (21) - Суарес (81).

Атлетико: Облак, Савич, Филипе Луис, Хуанфран, Годин, Сауль, Габи, Феррейра Карраско, Коке, Корреа (Гайтан, 59), Гризманн.

Барселона: тер Стеген, Умтити, Альба, Нелсон Семеду (Серхи Роберто, 61), Пике, Ракитич, Бускетс, Иньеста (Деулофеу, 61), Андре Гомеш, Месси, Суарес.

Огоҳлантиришлар: Габи (14), Умтити (33), Ракитич (45).