Ўзбекистон миллий чемпионати – Олий лиганинг 25-туридан ўрин олган “Насаф” – “Динамо” учрашуви ўз ниҳоясига етди. Унда 3:0 ҳисоби қайд этилиб, қаршиликларнинг ғалабаси билан якунланди.

Дастлаб, биринчи бўлимнинг 11-дақиқасидаёқ Драгон Черан ҳисобни очишга муваффақ бўлди. Орадан 18 дақиқа ўтиб, Абдохолиқов орадаги фарқни иккита тўпгача етказди.

43-дақиқага келиб, Абдураҳимов Наумовни учинчи бор ранжитишга муваффақ бўлди. Иккинчи бўлимда эса дарвозалар ишғол этилмади.

Шу тариқа, “Насаф” Қаршида “Динамо”га жавобсиз учта гол урди.

Олий Лига, 25-тур

“Насаф” – “Динамо” 3:0 (3:0, 0:0)

Голлар: 1:0 – 11 Черан, 2:0 – 29 Абдухолиқов, 3:0 – 43 Абдураҳимов. 

“Насаф”: 35.Санжар Қувватов, 2.Акмал Шораҳмедов, 4.Мақсуд Каримов, 6.Азизжон Ғаниев, 7.Одилжон Ҳамробеков, 18.Баҳром Абдураҳимов, 31.Сайдулло Раҳматов, 45.Бобир Абдухолиқов, 69.Драган Черан, 77.Жасур Ҳасанов, 92.Умарбек Эшмуродов.

“Динамо”: 1.Михаил Наумов, 6.Акмал Бозоров, 9.Сардор Сулайманов, 14.Раду Рогак, 15.Шохруҳбек Холматов, 17.Алексей Николаев, 19.Орифжон Мамажонов, 21.Искандар Холмирзаев, 28.Аднан Ораховац, 50.Фарход Тожиев, 90.Дониёр Исмоилов.