Қайднома

Қидирув

Александр Мочинов: Биринчи ўйиндан кейин рақибни ўрганиб чиққанимиз ўз самарасини берди

Александр Мочинов: Биринчи ўйиндан кейин рақибни ўрганиб чиққанимиз ўз самарасини берди

  25.10.2017 18:35
  0
  217
Александр Мочинов: Биринчи ўйиндан кейин рақибни ўрганиб чиққанимиз ўз самарасини берди

Ўзбекистон U-19 терма жамоаси БАА ёшларига қарши назорат ўйинида майдонга тушиб, 4:1 ҳисобида ғалаба қозонди.

Ўйиндан кейин Ўзбекистон ёшлар терма жамоаси бош мураббийи Александр Мочинов ЎФФ матбуот хизматига учрашув борасидаги фикрларини билдириб ўтди.

“Аввало бугунги ғалаба билан раҳбариятни, жамоамни ва бизни қўллаб-қувватлаш учун стадионга ташриф буюрган мухлисларни табриклайман. Биринчи ўйиндан кейин рақибни ўрганиб чиққанимиз ўз самарасини берди. БАА ёшлар термаси бош мураббийини ҳам алоҳида таъкидлаб ўтган бўлардим. Сербиялик мутахассис қўли остида БАА ёшлари анча кучайди.

Ҳар икки жамоа футболчиларининг бугунги ўйинга тайёргарлиги яхши бўлганини кўриш мумкин. Аввал ҳам таъкидлаганимдек, бу ёшда футболчилар ўйин давомида хушёрлик ва эътиборни йўқотади, менимча шунинг эвазига бугун рақиб дарвозасига кўп гол уришга  эришдик. Шу билан биргаликда, сўнгги дақиқаларда ўтказиб юборилган голлар устида ишлашимиз керак.

31 октябрь куни Осиё чемпионати саралаш босқичи учрашувларини ўтказиш учун Тожикистонга учиб кетамиз. У ерда осон ўйинлар бўлмайди. Бундан ташқари, ўйинлар сунъий қопламали майдонда ўтказилади. Эртадан жамоамиз ҳам сунъий қопламали майдонда машғулотлар ўтказиб, бўлажак ўйинлар олдидан сўнгги тайёргарликларни ўтказади”, – деди Александр Мочинов.

Маълумот учун, шу йилнинг 31 октябрь – 8 ноябрь кунлари U-19 Осиё чемпионатига саралаш босқичи ўйинлари ўтказилади. “B” гуруҳидан ўрин олган Ўзбекистон ёшлар терма жамоаси ОЧ йўлланмаси учун мезбон Тожикистон, Шри-Ланка, Бангладеш ва Мальдив оролларига қарши майдонга тушади. 


Манба: www.the-uff.com


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »

Кун фотоси

Чемпионлар давраси

  • ЎФФ ва ПФЛнинг янги раҳбарияти олиб бораётган ислоҳотларга қандай баҳо берасиз?


© "Interfutbol.UZ". © 2006-2018. Мобил версия
Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!
Барча ҳуқуқлар амалдаги қонунчиликка биноан ҳимояланган.